مہاراشٹر پولیس نے ہجوم کے تشدد کا شکار مسلمان پر چوری کامقدمہ بنادیا

بھارت کی ریاست مہاراشٹر میں مشتعل ہجوم نے مسلمان نوجوان کو چوری کے الزام میں ڈنڈوں سے بہیمانہ تشدد کا نشانہ بناکر لہو لہان کردیا۔

پولیس نے متاثرہ نوجوان  کیخلاف چوری کا مقدمہ درج کرکے تشدد میں ملوث 5 افراد کوبھی گرفتار کرلیا۔

یہ بھی پڑھیے

گرل فرینڈ کو قتل کرنے والے جلاد آفتاب کے بارے میں مزید انکشافات سامنے آگئے

بھارتی جریدے ملی گزٹ کے بانی ایڈیٹرظفر الاسلام خان نے اپنے ٹوئٹر ہینڈل پر ایک وڈیو شیئر کرتے ہوئے دعویٰ کیا کہ مہاراشٹر میں پلہار پولیس اسٹیشن کی حدود نالاسوپارہ کے علاقے  میں عابد خان نامی شخص کو ڈنڈوں سے تشدد کا نشانہ بنایاگیا ہے۔انہوں نے صارفین سے واقعے کی تفصیلات کے بارے میں آگاہ کرنے کی درخواست کی۔

https://t.co/3Mu1Gh5Wsh

— Abhijeet Singh (@itsAbDS) December 5, 2022

ٹوئٹ پر تبصرے میں ایک صارف نے بھارتی اخبار ٹائمز آف انڈیا کی خبر شیئر کی  جس کے مطابق بھارتی ریاست مہاراشٹر کے ضلع پلگھار کے علاقےنالا سوپارہ میں ہجوم کے ہاتھوں  تشدد کا واقعہ چار روز قبل پیش آیاتھا جس کی وڈیو آج وائرل ہوئی ہے۔ پولیس نے تشدد کا نشانہ بننےوالے شخص کیخلاف چوری کی دفعات کے تحت مقدمہ درج کرکے تشدد میں ملوث 5 افراد کو بھی پکڑلیا ہے۔