پاکستان بار کونسل کی ہڑتال ناکام؛ وکلاء عدالتوں میں پیش ہوتے رہے
اسلام آباد ہائیکورٹ، اسلام ڈسٹرکٹ کورٹس، اسپیشل کورٹس میں بھی معمول کی عدالتی کاروائی جاری رہیں جبکہ سندھ ہائیکورٹ میں بھی مقدموں کی سماعت کا سلسلہ جاری رہا اور وکیل پیش ہوتے رہے
پاکستان بار کونسل کیجانب سے عدالتی کاروائی کے بائیکاٹ کے باوجود ملک کی عدالتیں کھلی رہیں اور وکلاء بھی پیش ہوئے جبکہ مقدموں کی کارروائیں بھی معمول کے مطابق جاری رہیں۔
پاکستان بار کونسل نے سپریم کورٹ پروسیجر اینڈ پریکٹس بل 2023 کے خلاف کیس کی سماعت کے لیے 8 رکنی بینچ کی تشکیل کے خلاف ملک بھر میں آج عدالتی بائیکاٹ کا اعلان کیا تھا۔
یہ بھی پڑھیے
وزیراعظم شہباز شریف اور مریم نواز کے خلاف سپریم کورٹ میں توہین عدالت کی درخواست دائر
پاکستان بار کونسل اور صوبائی کونسلوں کی منتخب قیادت کے مشترکہ اعلامیے میں کہا گیا ہے کہ مقدمے کو عجلت میں سماعت کے لیے مقرر کرنے کا اقدام اعلیٰ عدالت کو تقسیم کرنے کے مترادف ہے۔
ایکسپریس نیوز سے منسلک کورٹ رپورٹر ثاقب بشیر نے دعویٰ کیا کہ آج اسلام آباد ہائیکورٹ، اسلام ڈسٹرکٹ کورٹس، اسپیشل کورٹس میں بھی معمول کی عدالتی کاروائی جاری رہیں۔
اسلام آباد ہائیکورٹ ، اسلام ڈسٹرکٹ کورٹس ، اسپیشل کورٹس میں بھی معمول کی عدالتی کاروائی جاری ہے وکلا بھی پیش ہو رہے ہیں بظاہر پاکستان بار کونسل کی ہڑتال عملی نہیں صرف اعلان کی حد تک ہے https://t.co/EOVDiHdAjD
— Saqib Bashir (@saqibbashir156) April 13, 2023
کورٹ رپورٹر ثاقب بشیر نے اپنے ٹوئٹر پیغام میں بتایا کہ اسلام آباد ہائیکورٹ، ڈسٹرکٹ کورٹس اور اسپیشل کورٹس میں آج بھی وکلا بھی پیش ہوئے۔ بظاہر پاکستان بار کونسل کی ہڑتال عملی نہیں صرف اعلان کی حد تک محدود رہی ۔
عدیل سرفراز نامی ایک اور صارف نے بتایاکہ پاکستان بار کونسل کیجانب سے عدالتی کارروائی کا بائیکاٹ ناکام نظر آتا ہے۔
پاکستان بار کونسل کیجانب سے عدالتی کاروائی کے بائیکاٹ ناکام نظر آتا ہے۔ سپریم کورٹ میں معمول کے مقدمات کی سماعت جاری ہے جبکہ وکلاء پیش ہوکر مقدمات کی پیروی کر رہے ہیں
— Adeel Sarfraz (@AhmedASarfraz) April 13, 2023
انہوں نے اپنے ٹوئٹر ہینڈل سے بتایاکہ سپریم کورٹ میں معمول کے مقدمات کی سماعت جاری رہی اور وکلاء بھی پیش ہوکر مقدمات کی پیروی کر تے رہے ہیں۔
ٹی وی اینکر عبدالمعیز جعفری نے سندھ ہائی کورٹ بار ایسوسی ایشن کے اعلامیہ شیئر کرتے ہوئے بتایا کہ ایس ایچ سی بی اے نے ایس بی سی کی ہڑتال کی حمایت کی مگر سندھ ہائیکورٹ میں آج وہ وکیل بھی موجود تھے جو پہلے کبھی عدالت نہیں آتے تھے۔
SHCBA supported the SBC strike today against the SC taking premature notice of the bill seeking to regulate its practice and procedure.
I haven’t seen a more full court as I did this morning. My opposing counsel who almost never turns up in the case was also present. pic.twitter.com/fpRunNiAWO
— Abdul Moiz Jaferii (@Jaferii) April 13, 2023
