اسلام آباد: تحریک انصاف 14مئی کو 101 مقامات پر سپریم کورٹ سے اظہار یکجہتی کریگی

پاکستان تحریک انصاف نے  14 مئی کو سپریم کورٹ سے اظہار یکجہتی کیلیے اسلام آباد میں 101مقامات پر بڑے عوامی اجتماعات منعقد کرنے کا فیصلہ کیا ہے۔

 تحریک انصاف اسلام آباد کے صدر علی نواز اعوان نے اسلام آباد انتظامیہ کو بذریعہ خط باضابطہ طور پر آگاہ کردیا۔

یہ بھی پڑھیے

عمران خان پر قاتلانہ حملہ: معاملہ اب عدالت میں حل ہوتو بہتر ہے

علی نواز اعوان نے خط میں کہا ہے کہ  تحریک انصاف 14مئی بروز اتوار شام 4 بجے آئین پاکستان ،چیف جسٹس اور عدلیہ سے  اظہار یکجہتی کےلئے 101 مقامات پر پرامن اجتماعات منعقد کرے گی، دستورِمملکت اپنے آرٹیکل 15،16،17 اور 19 کے ذریعے شہریوں کو نقل وحرکت،اجتماع، اظہار اور تنظیم سازی  کے بنیادی حقوق فراہم کرتا ہے۔

پاکستان تحریک انصاف کا 14 مئی کو اسلام آباد میں آئین،چیف جسٹس اور سپریم کورٹ سے اظہار یکجہتی کے لئے 101 مقامات پر بڑے عوامی اجتماعات کے انعقاد کا فیصلہ

تحریک انصاف اسلام آباد کے صدر علی نواز اعوان نے اسلام آباد انتظامیہ کو بذریعہ خط باضابطہ طور پر آگاہ کردیا

تحریک انصاف 14مئی… pic.twitter.com/1i4O1D7XGg

— PTI (@PTIofficial) May 8, 2023

علی نواز اعوان  نے مزید کہاکہ سپریم کورٹ اور ہائی کورٹس اپنے فیصلوں میں سول انتظامیہ کو عوام کے بنیادی حقوق متاثر کیے بغیر امور سرانجام دینے کا پابند کرچکی ہیں، تحریک انصاف کی درخواست پر اسلام آباد ہائی کورٹ نے حال ہی میں بنیادی حقوق کے حوالے سے واضح ہدایات دیں۔

انہوں نے کہاکہ  تحریک انصاف اسلام آباد گزشتہ ایک سال میں کم وبیش 150 بڑی پرامن سیاسی سرگرمیاں کرچکی ہے، ان سرگرمیوں کے نتیجے میں دارالحکومت میں ایک گملہ تک نہیں ٹوٹا، تحریک انصاف اسلام آباد آئین، چیف جسٹس اور عدلیہ سے اظہاریکجہتی کا مکمل حق رکھتی ہے۔

 علی نواز اعوان نے مزید کہاکہ  14مئی بروز اتوار شام 4 بجے چیئرمین عمران خان کی کال پر 101 مقامات پر پرامن اجتماعات منعقد کرینگے، اسلام آباد انتظامیہ آئین کی بالادستی کے پیش نظر ان عوامی اجتماعات کی سیکیورٹی سمیت دیگر ضروری انتظامات یقینی بنائے۔