ملتان سلطانز کے ترانے نے ٹیم کی قسمت کھول دی

پاکستان سپر لیگ (پی ایس ایل) کی ٹیم ملتان سلطانز کا ترانہ کیا جاری ہوا ٹیم فارم میں آگئی اور ترانہ جاری کیے جانے والے دن ہی پی ایس ایل کا پہلا میچ بھی جیت گئی۔ 

پی ایس ایل کے چھٹے سیزن کو شروع ہوئے ایک ہفتہ گزر چکا ہے لیکن ٹیمز کے ترانوں کی ریلیز کا سلسلہ اب تک جاری ہے۔ گذ شتہ روز ملتان سلطانز کا ترانہ ریلیز کیا گیا جوکہ ٹیم کے لیے جیت کا ترانہ ثابت ہوا۔ ترانے نے ٹیم کو پہلی فتح سے ہمکنار کرادیا۔ ترانے ‘تک میڈا سوہنا’ میں معروف گلوکارہ قرۃ العین بلوچ اور سوچ بینڈ کے عدنان دھول نے آواز کا جادو جگایا ہے۔

🔊Official Anthem for #HBLPSL6 Released 🔊

Tak Meday Sohna- SultanAaGayya | Official Multan Sultans Anthem feat. Soch The Band x Quratulain Baloch (QB)

Full Sultans Anthem: https://t.co/5ig72IIvVa#SultanAaGayya #MultanSultans pic.twitter.com/6wazaPN3hh

— Multan Sultans (@MultanSultans) February 26, 2021

ملتان سلطانز نے لاہور قلندرز کو 7 وکٹوں سے شکست دے دی۔ قلندرز نے جیت کے لیے 158 رنز کا ہدف دیا تھا جسے سلطانز نے 16 اوورز میں حاصل کرلیا۔ ملتان کی جانب سے نمایاں اننگز ٹیم کے کپتان محمد رضوان اور صہیب مقصود نے کھیلی تھی۔ محمد رضوان نے 49 گیندوں پر 12 چوکوں کی مدد سے 76 رنز بنائے تھے۔

Congratulations on the first win 🎉#MSvLQ #HBLPSL6 pic.twitter.com/6UmrkWukwQ

— Multan Sultans (@MultanSultans) February 26, 2021

یہ بھی پڑھیے

کیا پی ایس ایل میچز میں جیت کا فارمولا ہدف کا تعاقب ہے؟

واضح رہے کہ ملتان سلطانز نے اب تک پی ایس ایل میں 3 میچز کھیلے ہیں جن میں سے صرف ایک جیتا ہے۔