پہلی ایشیائی خاتون کو بہترین ہدایتکارہ کا آسکر ایوارڈ

ہالی ووڈ کے ستاروں سے چمکتی آسکر ایوارڈز کی شام لاس اینجلس میں منعقد کی گئی۔ چینی نژاد کلوئی ژاؤ پہلی ایشیائی خاتون بن گئی ہیں جنہوں نے بہترین ہدایتکارہ کا آسکر ایوارڈ حاصل کیا ہے۔

فلمی دنیا کے سب سے بڑے ایوارڈز آسکر کی شام نومیڈ لینڈ کے نام رہی۔93ویں اکیڈمی ایوارڈز میں نومیڈ لینڈ نے بہترین فلم سمیت 6 ایوارڈز جیت لیے۔

چینی نژاد کلوئی ژاؤ فلم نومیڈ لینڈ کے لیے بہترین ہدایتکارہ کا ایوارڈ حاصل کرنے والی پہلی ایشیائی خاتون بن گئی ہیں۔ یہ اعزاز 11 سال پہلے ایک خاتون کو دیا گیا تھا۔

Chloé Zhao made #Oscars history tonight as the first Asian woman and woman of color to win Best Director. Zhao is the second woman to win Best Director. pic.twitter.com/pKmXdkRfB9

— Geeks of Color #BlackLivesMatter (@GeeksOfColor) April 26, 2021

یہ بھی پڑھیے

رز احمد نے اہلیہ کے بال سنوار کر میلہ لوٹ لیا

اسی فلم میں اپنی پرفارمنس سے شائقین کے دل جیتنے والی فرانسس ایم سی ڈورمیڈ بہترین اداکارہ قرار پائیں۔ سر انتھونی ہاپکنز کو دی فادر میں ڈمنشیا کے مریض کا کردار نبھانے کے لیے بہترین اداکار کا ایوارڈ دیا گیا۔

It’s official! #Oscars pic.twitter.com/PAq8HGGo25

— The Academy (@TheAcademy) April 26, 2021

کوریا سے تعلق رکھنے والی یاجونگ یون فلم میناری کے لیے بہترین معاون اداکارہ قرار پائیں۔

آسکر کی تاریخ میں پہلی بار بہترین اداکاروں کی صف میں ایک مسلمان اداکار رز احمد بھی شامل تھے جنھیں فلم ساؤنڈ آف میٹل کے لیے نامزد کیا گیا تھا ۔ رز بہترین اداکار کا ایوارڈ تو اپنے نام نہ کرسکے البتہ ان کی فلم کو بہترین ساؤنڈ کا انعام مل گیا۔

Best Actor nominee Riz Ahmed at the #Oscars pic.twitter.com/219roHkfF0

— Film Updates (@TheFilmUpdates) April 25, 2021

اکیڈمی ایوارڈز میں مرحوم انڈین اداکارعرفان خان اور کاسٹیوم ڈیزائنر بھانواتھائیا کو خراج عقیدت پیش کیا گیا۔

The ##Oscars paid tribute to #IrrfanKhan and #BhanuAthaiya in their In Memoriam segment at the 93rd Academy Awards. pic.twitter.com/6OQqBOVDyO

— Filmfare (@filmfare) April 26, 2021

اس سال کرونا وبا کے باعث آسکرز کی شام کچھ منفرد رہی ۔ تقریب دو الگ مقامات سے نشر کی گئی اور اس کے بعد کوئی محفل بھی نہیں سجائی گئی۔