سوشل میڈیا پر ویڈیو وائرل ہونے کے بعد اسلام آباد پولیس کا ایکشن
اسلام آباد پولیس نے عثمان مرزا کو گرفتار کرلیا۔
گزشتہ روز سوشل میڈیا پر ایک ویڈیو وائرل ہوئی جس نے ہنگامہ برپا کردیا۔ ویڈیو میں ایک شخص لڑکے کو بری طرح سے مار رہا تھا اور لڑکی کے ساتھ بدتمیزی کرنے کی کوشش کررہا تھا۔ پولیس کے مطابق ویڈیو چند ماہ پرانی ہے اور عثمان مرزا کو گرفتار کیا جاچکا ہے۔
سوشل میڈیا پر گزشتہ روز ایک دل دہلا دینے والی خبر سامنے آئی اور چند گھنٹوں میں وائرل ہوگئی، ویڈیو میں عثمان مرزا نامی شخص نے گھر میں گھس کر ایک جوڑے کو تشدد کا نشانہ بنایا اور لڑکی کے ساتھ بدتمیزی کرنے کی کوشش بھی کی۔
سماجی رابطوں کی ویب سائٹ ٹوئٹر پر عثمان مرزا نامی شخص کو گرفتار کرنے کے حوالے سے ٹرینڈ چل پڑا۔
متعدد نامور شخصیات نے بھی اسلام آباد پولیس سے فوری طور پر ایکشن لینے کا مطالبہ کیا۔
Instant justice and speedy trial of heinous offence is the only solution to root out violence against women. #ArrestUsmanMirza & all those who shamelessly witnessed the crime.
Plz do not share the video & picture of the victims!— Naz Baloch (@NazBaloch_) July 6, 2021
یہ بھی پڑھیے
سوشل میڈیا پر اس مطالبے نے زور پکڑا تو چند گھنٹوں بعد اسلام آباد پولیس کی جانب سے ملزم کی گرفتاری کی خبر سامنے آگئی۔ اسلام آباد پولیس نے ٹوئٹ میں بتایا کہ عثمان مرزا کو حراست میں لے کر مقدمہ درج کرلیا گیا ہے اور اس کے خلاف قانونی کارروائی بھی شروع کردی گئی ہے۔
سوشل میڈیا پر خاتون اور لڑکے پر تشدد کی ویڈیو وائرل ہوئی جس پر اسلام آباد پولیس نے فوراً تمام وسائل بروئے کار لاتے ہوئے ویڈیو میں نظر آنے والے ملزم عثمان مرزا کو چند گھنٹوں میں ہی گرفتار کر لیا اور مقدمہ درج کر کے مزید قانونی کارروائی شروع کردی۔#ArrestUsmanMirza#IslamabadPolice pic.twitter.com/Dw5JB6gtHv
— Islamabad Police (@ICT_Police) July 6, 2021
ڈپٹی کمشنر اسلام آباد حمزہ شفقات نے ٹوئٹ میں کہا کہ ویڈیو چند ماہ پرانی ہے۔ انہوں نے سوشل میڈیا صارفین سے درخواست کی کہ وہ وائرل ہونے والی ان ویڈیوز کو ڈیلیٹ کردیں جس میں تشدد کا نشانہ بننے والے جوڑے کی شکل دکھائی دے رہی ہے۔
With special efforts of @syedmustafapsp and @ICT_Police the culprit is arrested. His accomplices are also being arrested. It is once again requested to please delete the videos which show ID of victims. pic.twitter.com/gnaM8GXTT3
— Muhammed Hamza Shafqaat (@hamzashafqaat) July 6, 2021
He is arrested. His accomplices are being arrested. Video is few months old . It is requested to plz delete any videos with victims IDs https://t.co/ZnrohWz4u9
— Office of Deputy Commissioner Islamabad (@dcislamabad) July 6, 2021
سوشل میڈیا پر سامنے آنے والی اطلاعات کے مطابق عثمان مرزا پراپرٹی کا کاروبار کرتا ہے اور اس کے اسلام آباد میں کچھ شو رومز بھی ہیں۔اس قسم کے واقعات کا رونما ہونا معاشرے کے بگاڑ کا منہ بولتا ثبوت ہیں جبکہ سوشل میڈیا صارفین کو بھی اس حوالے سے محتاط ہونے کی ضرورت ہے۔
