بلوچستان میں نقصان کی ذمہ دار بی اے پی اور پی ٹی آئی ہوگی، جام کمال

وزیراعلیٰ جام کمال کا کہنا ہے بلوچستان کو کوئی نقصان ہوا تو اس کی ذمہ دار بی اے پی ، پی ٹی آئی اور پی ڈی ایم ہو گی۔

ان خیالات کا اظہار جام کمال خان علیانی نے بلوچستان عوامی پارٹی اور اتحادی جماعتوں کے اجلس کی صدارت کرتے ہوئے کیا۔ انہوں نے کہا ہے کہ وزیراعظم عمران خان اپنے اردگرد بیٹھے لوگوں پر نظر رکھیں۔

یہ بھی پڑھیے

شیخ رشید نے کالعدم ٹی ایل پی پر مقدمات ختم کرنے کا عندیہ دے دیا

عالمی امن کے لیے پاک فوج کی خدمات دنیا کے سامنے ہیں، آرمی چیف

جام کمال کی زیر صدارت ہونے والے اجلاس میں بے اے پی اور اتحادی جماعتوں کے رہنماؤں نے شرکت کی۔ اجلاس میں موجود اراکین نے جام کمال کی قیادت پر مکمل اعتماد کا اظہار کیا۔ اجلاس میں فیصلہ کیا گیا کہ اتحاد ہر حال میں ایک ساتھ رہیں گے۔

اراکین اجلاس کا کہنا تھا اتنے بڑے اتحاد کو نظرانداز نہیں کیا جاسکتا ہے۔ اجلاس میں اتحادی جماعتوں کی کمیٹی کے قیام کا اعلان بھی کیا گیا۔

اجلاس کے مختصر خطاب کرتے ہوئے جام کمال خان کا کہنا تھا کہ مجھے اپنے اتحادیوں پر فخر ہے۔

وزیراعلیٰ بلوچستان جام کمال خان نے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ ہم عزت مآب وزیر اعظم عمران خان سے درخواست کرتے ہیں کہ وہ وفاقی کابینہ کے اراکین کو بلوچستان کے داخلی مسائل میں مداخلت سے روکیں۔

I would ask honorable Prime minister @ImranKhanPTI if he seriously tells some of his federal members not fiddle with #Balochistan internal matters and they should give spece to PTI provincial heiracy to play its responsibility and role.

— Jam Kamal Khan (@jam_kamal) October 24, 2021

جام کمال خان نے مزید لکھا ہے کہ یہ سیاسی تحریک بلوچستان سے شروع ہوئی ہے اور یہ تحریک پاکستان میں ایک نئے سیاسی زاویے کی سوچ کو پیدا کرے گی۔ انہوں نے ابن العربی سے منسوب ایک پوسٹ بھی شیئر کی ہے۔

This political movement shall be a start of a new era in balochistan and Pakistan’s politics

These two months have opened many things, shown faces, political so called principles, greed, lust for power,conspirators and many heros and sted fast people with credibility. pic.twitter.com/OBtihb5jAZ

— Jam Kamal Khan (@jam_kamal) October 24, 2021