لاہور میں اسموگ سے علی ظفر اور شعیب اختر بھی پریشان
ایئر کوالٹی انڈیکس میں لاہور کا نمبر 817، 300 کے بعد پوری دنیا میں ہلچل مچ جاتی ہے، صوبائی حکومت کیا اقدمات کررہی ہے؟ گلوکار اور کرکٹر کا سوال۔
![لاہور میں اسموگ](https://news360.tv/wp-content/uploads/2021/12/اسموگ.jpg)
گلوکار علی ظفر نے ٹوئٹر پر ایک ویڈیو شیئر کی ہے جس میں وہ اپنے گھر میں نصب ایئر فلٹر دکھا رہے ہیں جو کہ مٹی سے بھرا ہوا ہے۔
Get ready to be shocked. This is what our kids and everyone is breathing in Lahore. Anything above 300 AQI, the world panics. Here we’re all quiet at 900. Any update on smog policy and it’s implementation anyone ? #Lahore #smog pic.twitter.com/MkBcltrVhQ
— Ali Zafar (@AliZafarsays) December 15, 2021
علی ظفر نے لکھا کہ حیران ہونے کے لیے تیار ہوجائیں، یہ ہے وہ جس میں ہمارے بچے اور لاہور کے تمام شہری سانس لے رہے ہیں۔
ایئر کوالٹی انڈیکس میں 300 سے اوپر کے درجے پر پوری دنیا میں ہلچل مچ جاتی ہے لیکن ہم سب 900 پر بھی خاموش ہیں۔ انہوں نے مزید لکھا کہ اسموگ پالیسی اور اس کے نافذ ہونے پر کوئی اپ ڈیٹ ہے کسی کے پاس؟
اسی طرح قومی کرکٹ ٹیم کے سابق فاسٹ بالر شعیب اختر بھی لاہور میں آلودہ فضا پر بہت پریشان نظر آئے۔
انہوں نے لاہور کے ایئر کوالٹی انڈیکس کی تصویر شیئر کی جو کہ 817 پر ہے اور خطرناک ترین لکھا ہوا ہے۔
This is what Lahore is breathing today. The world goes nuts at this AQI. Are we all not concerned? #SaansLeneDo pic.twitter.com/jiVLdmAuYB
— Shoaib Akhtar (@shoaib100mph) December 15, 2021
شعیب اختر نے بھی سوال کیا کہ اس اے کیو آئی پر پوری دنیا میں تہلکہ مچ جاتا ہے، کیا ہمیں اس کی بالکل بھی پروا نہیں ہے؟
لاہور میں پچھلے کئی برسوں سے موسم سرما کے دوران اسموگ کا مسئلہ درپیش ہے، اسموگ سے سینکڑوں حادثات بھی ہوچکے ہیں جس میں قیمتی جانیں ضائع ہوئیں۔
یہی نہیں بلکہ اسموگ کی وجہ سے اہلیانِ لاہور کو سانس لینے میں دشواری کا سامنا ہے، خاص طور پر بچے، بوڑھے اور دل اور پھیپھڑوں کے مریضوں کو شدید مشکلات ہیں۔
صوبائی حکومت نے فصلوں کی باقیات کو جلانے پر پابندی عائد کر رکھی ہے، اینٹوں کے بھٹے سے نکلنے والے دھوئیں سے ماحول کو بچانے کے لیے زگ زیگ ٹیکنالوجی متعارف کروائی ہے لیکن اس کے باوجود اسموگ کا مسئلہ جوں کا توں ہے۔