پیٹرول کی قیمتوں میں اضافہ، شان شاہد کا حکومتی فیصلے کا دفاع
شان شاہد نے رؤف کلاسرہ کی تنقیدی ٹویٹ پر جواب دیتے ہوئے کہا کہ عالمی مارکیٹ میں قیمتوں میں اضافے کی وجہ سے حکومت کو یہ فیصلہ کرنا پڑا۔
گزشتہ روز وزیراعظم عمران خان کی منظوری کے بعد ملک بھر میں پیٹرولیم قیمتوں میں اضافہ ہوا، اب فی لیٹر پیٹرول کی قیمت 160 روپے ہوچکی ہے۔
صحافی رؤف کلاسرہ نے ٹویٹ کرتے ہوئے کہا کہ پاکستان دنیا کا واحد ملک ہے جہاں وزیراعظم اس بات پر یقین رکھتے ہیں کہ پیٹرول کی قیمت بڑھا کر غربت میں کمی کی جا سکتی ہے۔
Sir international crisis is causing the price hike tensions between these countries USA Russia and Ukraine is the real reason for the price hike in fuel as Russia is also a 1/10 contributor to oil exporting nations
— Shaan Shahid (@mshaanshahid) February 16, 2022
رؤف کلاسرہ کو جوابی ٹویٹ کرتے ہوئے اداکار شان شاہد نے حکومت کے فیصلے کا دفاع کیا۔
یہ بھی پڑھیے
سپریم کورٹ کا حکم، مسابقتی کمیشن کی تیل اور گھی سیکٹر پر دوبارہ انکوائری شروع
عالمی مارکیٹ میں تیل کی قیمتوں میں اضافے، پاکستان میں قیمتیں مستحکم
شان شاہد نے کہا کہ سر عالمی بحران کی وجہ سے قیمتوں میں اضافہ ہو رہا ہے، امریکہ، روس اور یوکرین کے درمیان کشیدگی بھی ایندھن کی قیمتوں میں اضافے کا سبب ہے۔
انہوں نے کہا کہ تیل برآمد کرنے والی اقوام میں روس بھی شامل ہے۔
حکومت کے گزشتہ روز کے فیصلے پر ملک بھر میں تنقید ہو رہی ہے۔ عوام کا غم و غصہ شدید ہو چکا ہے۔
وفاقی وزیر اطلاعات فواد چوہدری نے پریس کانفرنس میں کہا تھا کہ عالمی سطح پر تیل کی قیمتوں میں اضافے کی وجہ سے پاکستان میں پیسے بڑھانے کے علاوہ کوئی دوسرا راستہ نہیں۔
