پیٹرول کی قیمتوں میں اضافہ: جیو اور ڈان نیوز سوشل میڈیا اکاؤنٹ کی پیروڈی کا شکار
ڈان نیوز نے یہاں تک کہ اخبار میں اسی بیان کا حوالہ دیتے ہوئے شہ سرخی لگا دی اور اس کو وزیر خزانہ کے ترجمان مزمل اسلم سے منسوب کردیا۔
پاکستان کے دو معروف میڈیا ہاؤسز جیو نیوز اور ڈان نیوز کے لیے شرم کا مقام، دونوں چینلز وزیر خزانہ کے ترجمان مزمل اسلم کے ایک پیروڈی سوشل میڈیا اکاؤنٹ کا شکار ہو گئے، پیروڈی اکاؤنٹ میں پیٹرولیم مصنوعات کی قیمتوں میں اضافے کا مزاحیہ انداز میں دفاع کیا گیا۔
وفاقی حکومت کی جانب سے پیٹرولیم مصنوعات کی قیمتوں میں اضافے کے اعلان کے بعد سوشل میڈیا صارفین نے اپنے اپنے خیالات اور مختلف میمز کے ذریعے اس اقدام کی مذمت کی۔
یہ بھی پڑھیے
محسن بیگ صحافی ہیں یا نہیں ، صحافی خود الجھ پڑے
مائیکرو سافٹ کے بانی بل گیٹس ایک روزہ دورے پر اسلام آباد پہنچ گئے
ترجمان وزارت خزانہ مزمل اسلم کے پیروڈی اکاؤنٹ سے نشر ہونے والے بیان کے مطابق "قیمتوں میں اضافے کو پیٹرول بم کہنے والے قابل مذمت ہیں ، پیٹرول 12روپے مہنگا ہوا ، لیکن سڑکوں پر گاڑیوں میں کمی نہیں ہوئی۔”
جیو اور ڈان نیوز نے مزمل اسلم کے نام سے فیک ٹوئٹر ائی ڈی کے ٹوئٹ کو خبروں کا حصہ بنا لیا pic.twitter.com/RCfa4BODvk
— Fake News Alert (@Pk_FactChecker) February 16, 2022
(@chickenomist) کے ٹویٹ کے مطابق "آج اس سے ظاہر ہوتا ہے کہ جی ڈی پی کی بحالی کے بعد فی کس آمدنی کی اعلیٰ سطح نے تمام اثرات کو جذب کر لیا ہے۔ شرم آنی چاہیے ان لوگوں پر جو اسے پیٹرول بم کہتے ہیں۔”
بعدازاں جیو نیوز نے اس بیان پر بریکنگ چلانے پر معذرت کرلی تھی جبکہ دوسری جانب رات کو ڈان نیوز نے دوبارہ اس خبر کو لے کر پیٹنا شروع کردیا۔
ڈان اخبار پر غصے کا اظہار کرتے ہوئے ترجمان وزیر خزانہ مزمل اسلم نے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ "الیکٹرانک میڈیا کے بعد ڈان اخبار نے میرے جعلی ٹویٹر اکاؤنٹ کی کہانی شائع کی ہے۔ یہ اس میڈیا کے زوال کی جانب واضح اشارہ ہے۔ میں نہیں جانتا کہ یہ جہالت ہے یا جان بوجھ کر لیکن واضح طور پر وہ مایوسی پھیلانے کی پوری کوشش کر رہے ہیں۔”
Followed by electronic media the print media of @dawn_com has published the fake Twitter account story of mine. Clearly shows the down fall of this media. I don’t know whether it’s ignorance or intentional but clearly they are doing their best to spread despondency pic.twitter.com/GWl697z5lv
— Muzzammil Aslam (@MuzzammilAslam3) February 17, 2022
My fake @chickenomist account is being followed by fake Imran Khan and him followed by @MaryamNSharif (real), @BBhuttoZardari @najamsethi pic.twitter.com/dI1jjTuGOf
— Muzzammil Aslam (@MuzzammilAslam3) February 16, 2022
اس بیان کو ترجمان وزارت خزانہ مزمل اسلم سے منسوب کیا گیا ، تاہم بعد میں واضح کیا گیا کہ یہ ان کے نام کا پیروڈی اکاؤنٹ تھا۔
دلچسپ بات یہ ہے کہ جیو نیوز اور ڈان نیوز نے پیروڈی اکاؤنٹ سے پوسٹ کی گئی ٹویٹ کی بنیاد پر تیزی سے بریکنگ نیوز نشر کی تھیں۔
ڈان نیوز نے یہاں تک کہ اخبار میں اسی بیان کا حوالہ دیتے ہوئے شہ سرخی لگا دی اور اس کو وزیر خزانہ کے ترجمان مزمل اسلم سے منسوب کردیا۔
حقائق کی جانچ پڑتال اور حقائق کی جانچ کے بنیادی طریقہ کار کو پس پشت ڈالتے ہوئے دونوں سرکردہ میڈیا ہاؤسز نے بریکنگ پر زور دیا جوکہ صحافتی اعتبار سے سنگین غلطی ہے۔
معروف اینکر پرسن ضرار کھوڑو نے اس غلطی پر جیو نیوز اور ڈان نیوز کو تنقید کا نشانہ بناتے ہوئے کہا کہ ’یہ فیضا اور شیزا جیسی صورتحال بن گئی ہے۔
یہ توفضا شزا ہوگیا@ZarrarKhuhro @WusatUllahKhan @Dawn_News @Xadeejournalist
To watch the full episode click the link belowhttps://t.co/nuSS2fA2C3 pic.twitter.com/2dnh1Vg8Zk
— ZaraHatKay (@ZaraHatKay_Dawn) February 16, 2022
