نیشنل بینک پر جرمانہ : اسحاق ڈار کو حکومت پر تنقید مہنگی پڑگئی
مسلم لیگ ن کے سینئر رہنما اسحاق ڈار کو نیشنل بینک پرامریکا میں جرمانے کے حوالے سے حکومت پر تنقید کرنا مہنگا پڑگیا۔
وزیراعظم کے ترجمان ومعاون خصوصی برائے سیاسی رابطہ شہبازگل نے اسحاق ڈار کو آئینہ دکھادیا۔
یہ بھی پڑھیے۔
سینیٹ کے 45روزہ اجلاس میں صرف48گھنٹے کام ہوسکا،پلڈاٹ
بچہ جمورا گھوم جا، جہانگیر ترین ایک ہفتے کی لندن یاترا پر روانہ
اسحاق ڈار نے نیشنل بینک کو امریکا میں کیے گئے جرمانے کا اعلامیہ جاری کرتے ہوئے لکھا کہ عمران نیاز ی کی حکومت میں ایک کے بعد ایک غلطی،اللہ پاکستان کو اس شیطانی نظام سے محفوظ رکھے۔
Blunder after Blunders in #ImranNiazi Govt. May Allah SWT save Pakistan from this evil setup. Ameen. pic.twitter.com/RdTNHeLQzO
— Ishaq Dar (@MIshaqDar50) February 24, 2022
ڈاکٹر شہبازگل نے اسحاق ڈار کے ٹوئٹ پر تبصرہ کرتے ہوئے لکھا کہ دنیا نے بہت بڑے بڑے نوسرباز اور فراڈیے دیکھے ہوں گے مگرشریف خاندان اور ان کے راتب خوروں کا جو مقام ہے وہ شاید ہی کسی کا ہو ۔حدیبیہ ملز کیس کے سہولت کاراوراسحاق ڈار کے دوست سعید احمد جنہیں اپنے کالے کرتوتوں پر پردہ ڈالنے کے بدلے صدر نیشنل بنک لگایااوراسحاق ڈا رخود وزیرخزانہ تھے اس وقت کا کیس ہے۔
دنیا نے بہت بڑے بڑے نوسرباز اور فراڈیے دیکھے ہوں گے مگرشریف خاندان اور ان کے راتب خوروں کا جو مقام ہے وہ شائد ہی کسی کا ہو
حدیبیہ ملز کیس کے سہولت کاراوراسحاق ڈار کے دوست سعید احمد جنہیں اپنے کالے کرتوتوں پر پردہ ڈالنے کے بدلے صدر نیشنل بنک لگایااورخود وزیرخزانہ تھے اس وقت کاکیس https://t.co/TTJ0lgLQ5z— Dr. Shahbaz GiLL (@SHABAZGIL) February 25, 2022
یاد رہے کہ امریکی حکام نے نیشنل بینک آف پاکستان اور اس کی نیویارک برانچ پر انسداد منی لانڈرنگ قوانین کی خلاف ورزی پر 55 ملین ڈالر کا جرمانہ عائد کر دیا ہے۔
فیڈرل ریزرو بورڈ نے 20.4 ملین ڈالر جبکہ نیویارک اسٹیٹ ڈیپارٹمنٹ آف فنانشل سروسز نے بار بار خلاف ورزیوں کے سبب 35 ملین ڈالر کا جرمانہ عائد کیا ہے۔ادارے نے اپنی ٹویٹ میں کہا ہے کہ این بی پی اور اس کی نیویارک برانچ نے 35 ملین ڈالر ادا کرنے پر رضامندی ظاہر کی ہے۔
