آپریشن سوئفٹ ریٹارٹ اور شاندار چائے کے تین سال مکمل

پاکستان ایئر فورس آج آپریشن سوئفٹ ریٹارٹ کی کامیابی کی تیسری سالگرہ منارہی ہے، ڈی جی آئی ایس پی آر کا کہنا ہے آج کے دن پاک فوج نے مادر وطن کی حفاظت کے لیے اپنی پیشہ وارانہ جنگی مہارت کا ثبوت دیا، وزیراعظم عمران خان نے کہا ہے ہم اپنے ملک اور قوم سلامتی کےلیے پرعزم ہیں۔

27 فروری 2019 کو آج کے دن بھارت کے ساتھ فضائی جھڑپ کے دوران ، پاکستانی فضائیہ کے شاہینوں نے دشمن کے دانت کھٹے کردیے تھے۔ پاک فضائیہ نے بھارت کے دو طیارے مار گرائے تھے۔ پاکستانی حدود میں داخل ہونے والے مگ 21 اور ایس یو 30 کو پاکستانی شاہینوں نے لمحوں کی جنبش پر زمین بوس کردیا تھا۔

یہ بھی پڑھیے

سینیٹرز نے تعلیمی اداروں میں طلباء کے ڈرگ ٹیسٹ کی سفارش کردی

کیلاش کمار پاک فوج کے پہلے ہندو لیفٹیننٹ کرنل بن گئے

مگ 21 کے پائلٹ ، بھارتی ونگ کمانڈر ابھی نندن ورتھمان کو پاکستانی حکام نے اس وقت گرفتار کیا تھا جب لڑاکا طیارہ پاکستانی حدود میں گر کر تباہ ہوا تھا۔ پاکستان نے نیک شگون کے تحت بھارتی پائلٹ ابھی نندن کو ایک روز بھارتی حکام کے حوالے کردیا تھا۔

ڈی جی آئی ایس پی آر میجر جنرل بابر افتخار نے سماجی رابطوں کی ویب سائٹ ٹوئٹر پر پیغام جاری کرتے ہوئے لکھا ہے کہ ” آج آپریشن سوئفٹ ریٹارٹ کی تیسری برسی ہے۔ آپریشن سوئفٹ ریٹارٹ میں پاکستان نے بھارت کی ناکام جارحیت کا بھرپور جواب دیا۔ اور سمندری حدود کی خلاف ورزی کرنے والی بھارتی آبدوز کا بھی سراغ لگایا تھا، جو بڑی کامیابی تھی۔”

Today marks 3rd anniversary of “Op Swift Retort” when Pakistan Armed Forces gave a befitting response to Indian failed misadventure. Achievements of PAF in shooting down 2 Indian fighter ac, detection of Indian submarine at sea by Pak Navy & resounding response at LOC (1/2)

— DG ISPR (@OfficialDGISPR) February 27, 2022

ڈی جی آئی ایس پی آر نے مزید لکھا ہے کہ "پاک فوج نے بھارتی جارحیت کا پیشہ ورانہ اور موثر انداز میں جواب دیا، مسلح افواج مادر وطن کے دفاع کے لیے پرعزم ہیں، قوم کا عزم اور مسلح افواج کی پیشہ وارانہ مہارت کلیدی حیثیت رکھتی ہے۔ مشکل وقت میں کامیابی، جارحیت کے جواب میں نہ صرف ہتھیار اور تعداد میں کامیابی ملتی ہے بلکہ قوم کے عزم اور مسلح افواج کی آپریشنل تیاریوں سے بھی کامیابی ہوتی ہے، پاکستان زندہ باد۔”

آپریشن سوئفٹ ریٹارٹ کی تیسری برسی پر وزیراعظم عمران خان نے سماجی رابطوں کی ویب سائٹ ٹوئٹر پر پیغام جاری کرتے ہوئے لکھا ہے کہ ” میں ہمیشہ مذاکرات اور سفارت کاری کے ذریعے تنازعات کے حل پر یقین رکھتا ہوں۔ اس کو کبھی بھی ہماری کمزوری کی علامت نہیں سمجھنا چاہیے۔ جیسا کہ ہم نے 27 فروری 2019 کو بھارت کو دکھایا، جب اس نے ہم پر حملہ کرنے کی کوشش کی تھی ، قوم کی حمایت یافتہ ہماری مسلح افواج ہر سطح پر جارحیت کا جواب دینے کے لیے تیار ہے اور ہم ہی غالب آئیں گی۔”

I have always believed in conflict resolution through dialogue & diplomacy. That should never be taken as a sign of weakness. As we showed India on 27Feb2019, when it chose to attack us, our armed forces backed by the nation will respond to mly aggression & prevail at all levels.

— Imran Khan (@ImranKhanPTI) February 27, 2022

وزیراعظم عمران خان نے مزید لکھا ہے کہ ” ہم اپنے ملک اور اپنی قوم کی سلامتی کے لیے پرعزم اور ہمارا عزم غیر متزلزل ہے۔”