چین داسو اور مہمند پراجیکٹس پر کام کی رفتار سے مطمئن
چینی سفارتخانے کی طرف سے ٹویٹس شیئر کرتے ہوئے داسو اور مہمند پراجیکٹس کی تصاویر شیئر کی گئیں اور پاکستانی ملازمین کی کوششوں کو سراہا گیا۔
پاکستان میں چینی سفارتخانے کی طرف سے آج صبح ٹویٹ میں مہمند ڈیم منصوبے کی تصاویر شیئر کی گئی ہیں۔ ٹویٹ میں کہا گیا کہ مہمند ڈیم کی تعمیر میں ایک سنگ میل عبور کرنے پر مبارکباد، چین اور پاکستان کے درمیان ہائیڈرو پاور سیکٹر کا یہ ایک اور اہم منصوبہ ہے۔
Congratulations on the successful achievement of a milestone at Mohmand Dam Project, another important cooperation project in hydro power sector b/t China & Pakistan. China has been a major partner of Pakistan in developing hydropower & contributing to power sector of Pakistan. pic.twitter.com/Hy9aCNoZ2M
— Chinese Emb Pakistan (@CathayPak) March 21, 2022
چین پاکستان میں پانی سے چلنے والے منصوبوں کو تیار کرنے اور پاکستان کے پاور سیکٹر میں اپنا حصہ ڈالنے کے لیے ایک اہم پارٹنر ہے۔
اسی طرح گزشتہ روز بھی چینی سفارتخانے نے ٹویٹ کرتے ہوئے داسو ہائیڈرو پاور پراجیکٹ کی تصاویر شیئر کرتے ہوئے کہا تھا کہ کام دوبارہ شروع ہونے کے بعد اس منصوبے پر متوازن پیشرفت جاری ہے۔
Dasu Hydropower Project is in steady progress after resumption of work. Appreciate dedication of both Chinese and Pakistani workers despite of challenges. With them, the project will be successful and provide affordable, clean power to the national grid. pic.twitter.com/L0X7MnD9po
— Chinese Emb Pakistan (@CathayPak) March 20, 2022
ٹویٹ میں کہا گیا کہ ہم پاکستانی اور چینی دونوں کے ملازمین کے جذبے کی قدر کرتے ہیں۔
ان کی وجہ سے یہ منصوبہ کامیاب ہوگا اور نیشنل گرڈ میں سستی اور صاف بجلی فراہم کی جائے گی۔
یاد رہے کہ نو مارچ کو چینی ناظم الامور پینگ چنزی کی آرمی چیف جنرل قمر جاوید باجوہ سے ملاقات ہوئی تھی۔
تجزیہ کاروں کا خیال ہے کہ ممکنہ طور پر اس ملاقات میں یہ طے پایا ہوگا کہ پاکستان میں چین کے شروع کردہ منصوبوں پر کام کی رفتار تیز کی جائے۔
