وزیراعلیٰ پنجاب عثمان بزدار نے وزیراعظم کو استعفیٰ پیش کردیا

وزیر مملکت برائے اطلاعات و نشریات فرخ حبیب نے ٹویٹ کرتے ہوئے بتایا ہے کہ وزیراعلیٰ پنجاب عثمان بزدار نے وزیراعظم عمران خان کو اپنا استعفیٰ پیش کر دیا ہے۔

چوہدری پرویز الہی کی وزیراعظم عمران خان کیساتھ ملاقات۔
ملاقات میں تمام معاملات طے ہوگئے۔ق لیگ کا وزیراعظم پر اعتماد کا اظہاراورحمائیت کا اعلان۔وزیراعلی عثمان بزدار نے اپنا استعفی وزیر اعظم کو پیش کردیا
وزیراعظم عمران خان کا چوہدری پرویز الہی کو پنجاب کا وزیراعلی نامزد کرنےفیصلہ pic.twitter.com/h3G3wYwX8D

— Farrukh Habib (@FarrukhHabibISF) March 28, 2022

فرخ حبیب نے کہا کہ وزیراعظم عمران خان نے پرویز الٰہی کو وزیراعلیٰ پنجاب نامزد کرنے کا فیصلہ کیا ہے۔

یہ بھی پڑھیے

وزیراعلیٰ عثمان بزدار کے خلاف پنجاب اسمبلی میں تحریک عدم اعتماد جمع

تحریک عدم اعتماد ، حکومت اور اپوزیشن والے دونوں اپنی اپنی جیبیں ٹٹولنے لگے

ان کا کہنا تھا کہ اسپیکر پنجاب اسمبلی پرویز الہٰی سے معاملات طے پا گئے ہیں۔

قبل ازیں اطلاعات تھیں کہ مسلم لیگ (ق) کے مرکزی رہنما چوہدری پرویز الہٰی کی وزیراعظم عمران خان سے ملاقات میں اہم معاملات طے پا گئے ہیں۔

وزیراعلیٰ پنجاب عثمان بزدار کے خلاف پنجاب اسمبلی میں تحریک عدم اعتماد جمع کروائی گئی تھی۔

یہ تحریک مسلم لیگ (ن) کے رکن رانا مشہود، سمیع اللہ اوردیگر اراکین نے جمع کروائی تھی، اس پر 128 اپوزیشن اراکین نے دستخط کیے تھے۔