پارک ویو سٹی اسکینڈل، علیم خان نے کرپشن چھپانے کیلیے چینل خریدا

خوبرو اینکرپرسن شفا یوسفزئی نے ٹویٹ کرتے ہوئے پنجاب کی سیاسی شخصیت علیم خان کے متعلق اہم انکشافات کیے ہیں۔

انہوں نے کہا کہ یہ دھماکہ خیز اسکینڈل شروع ہوتا ہے پارک ویو سٹی اسلام آباد سے جہاں 579 پلاٹ فروخت کے لیے منظور کیے گئے تھے۔

اس کے بعد اسلام آباد ہائیکورٹ نے کیپٹل ڈیویلپمنٹ اتھارٹی کی درخواست پر اسے منسوخ کر دیا تھا۔

بعد ازاں علیم خان نے اسی منصوبے میں 100 نئے پلاٹ نکال کر انہیں فروخت کیا اور اربوں روپے کما لیے۔

آخر علیم خان کیوں عمران خان کے اتنا خلاف ہو گئے کہ آج اچانک ایسی ہریس کانفرینس کر ڈالی؟
کچھ ہی دیر میں یہاں اپنے ٹویٹر اکاونٹ پر انتہائی مستند زرائع سے لی ہوئی تفصیلات شیئر کرونگی۔

Stay tuned to find out the reasons behind Aleem Khan’s press conference ag IK

— Shiffa Z. Yousafzai (@Shiffa_ZY) April 4, 2022

شفا یوسفزئی نے ٹویٹ میں گوگل کا ایک نقشہ شیئر کیا جس میں کچھ علاقہ ہائی لائٹ ہوا تھا۔

انہوں نے بتایا کہ نشان زدہ جگہ وہ 1500 کینال اراضی ہے جس پر تمام قوانین کی خلاف ورزی کر کے تعمیرات کی گئیں۔

پارک ویو نے کمرشل علاقے بھی نکالے اور انہیں نجی بلڈرز کو فروخت کر کے اربوں روپے بنائے۔

اینکرپرسن شفا یوسفزئی نے سی ڈی اے کے دو عہدیداران کی طرف سے علیم خان کو جاری کیے گئے حکم نامے کی نقول بھی شیئر کیں۔

اس حکمنامے کے مطابق پارک ویو کو کہا گیا کہ وہ تمام غیرقانوننی تعمیرات فوری طور پر روک دے۔

شفا نے دعویٰ کیا ہے کہ ان کے ذرائع جو کہ وزیراعظم عمران خان کے ساتھ کام کرتے ہیں انہوں نے بتایا کہ علیم خان نے وزیراعظم سے رابطہ کر کے سی ڈی اے پر دباؤ ڈلوانے کا کہا۔

ذرائع کے مطابق علیم خان نے وزیراعظم سے کہا کہ سی ڈی اے کو اسلام آباد ہائیکورٹ میں کیس کی پیروی سے روکگا جائے۔

جب وزیراعظم عمران خان نے علیم خان کو انکار کر دیا تو انہوں نے خود کو بچانے کے لیے اربوں روپے خرچ کر کے ایک بااثر ٹی وی چینل خریدا۔