حدیقہ کیانی اپنا مشہور گیت”بوہے باریاں“ چرانے پر بھارتی گلوکارہ پر برہم

پاکستان کی معروف گلوکارہ و اداکارہ حدیقہ کیانی نے اپنا مشہور گیت ”بوہے باریاں“ چوری کرنے پر بھارتی گلوکارہ کانیکا کپور پر برہمی کا اظہار کیا ہے.

گلوکارہ حدیقہ کیانی نے انسٹاگرام اسٹوری میں حال ہی میں کانیکا کپور کی جانب سے ریلیز کیے گئے گانے”بوہے باریاں“ کا اسکرین شاٹ شیئر کرتے ہوئے ان پر برہمی کا اظہار کیا۔

یہ بھی پڑھیے

حدیقہ کیانی کا یادگار گیت ”وہ کون ہے؟“کلاسیکل انداز میں پیش

اداکارہ حدیقہ کیانی ڈرامہ سیریل "دوبارہ” کی کامیابی پر نہال

حدیقہ کیانی کا کہنا تھا کہ ان کے گانے”بوہے باریاں“ کو ان کی اجازت کے بغیر اور انہیں کوئی معاوضہ دیے بغیر ہی شاہ رخ خان اور پریٹی زنٹا کی ایک فلم میں بھی شامل کیا گیا جب کہ ان کے گانے کو متعدد بھارتی گلوکار بھی بغیر اجازت گا چکے ہیں۔

انہوں نے لکھا کہ بعض بھارتی گلوکاروں کی جانب سے گائے گئے ان کے گانے” بوہے باریاں“  کو یوٹیوب پر 20 کروڑ بار تک دیکھا جا چکا ہے مگر انہیں کسی طرح کی کوئی رائلٹی نہیں دی گئی اور نہ ہی ان سے پیشگی اجازت لی گئی تھی۔

گلوکارہ نے واضح کیا کہ انہیں”بوہے باریاں“ گانا چوری کرنے والی گلوکارہ کانیکا کپور سے کوئی مسئلہ نہیں، بس وہ یہ کہنا چاہتی ہیں کہ ان کے گیت کو گانے سے قبل ان سے اجازت لی جانی چاہیے۔

حدیقہ کیانی نے لکھا کہ بھارتی گلوکاروں کی جانب سے ان کے مقبول ترین گیت کو کاپی کیے جانے کے معاملے پر ان کے احتجاج کے بعد بعض لوگوں نے انہیں کریڈٹ دیا اور یوٹیوب پر لکھا کہ مذکورہ گانے کو پہلے حدیقہ کیانی نے گایا تھا۔واضح رہے کہ حدیقہ کیانی نے ’بوہے باریاں‘ کو 1999 میں ریلیز کیا تھا، ان کا مذکورہ گانا ان کے ایلبم ’روشنی‘ میں شامل تھا۔

گلوکارہ نے بتایا کہ”بوہے باریاں“ کی شاعری ان کی والدہ نے لکھی تھی اور اسے کئی بھارتی گلوکاروں نے چوری کرکے پیسے کمائے۔ حدیقہ کیانی نے لکھا کہ بھارت کی جانب سے تاحال پاکستانی موسیقی کو چوری کرنے کا سلسلہ جوں کا توں جاری ہے۔واضح رہے کہ حدیقہ کیانی نے ’بوہے باریاں‘ کو 1999 میں ریلیز کیا تھا، ان کا مذکورہ گانا ان کے ایلبم”روشنی“ میں شامل تھا۔