شاہد آفریدی فاؤنڈیشن بلوچستان میں پانی کی فراہمی کیلیے سرگرم

ملک میں پانی کے سنگین بحران کے پیش نظر شاہدآفریدی فاؤنڈیشن بلوچستان کے پانی سے محروم علاقوں  کی پیاس بجھانے کیلیے کمر بستہ ہوگئی۔

شاہد آفریدی فاؤنڈیشن نے پشین اور قلعہ سیف اللہ میں پانی کی قلت دور کرنے کیلیے نئے منصوبوں پر کام شروع کردیا۔

یہ بھی پڑھیے

دریائے سندھ میں پانی کی شدید کمی ، سکھر بیراج بیراج میں خوفناک صورتحال برقرار

سندھ میں پانی کی قلت کے خلاف کاشتکاروں کا ہائی وے مظاہرہ، ٹریفک معطل

شاہد آفریدی فاؤنڈیشن نے اپنے ٹوئٹ میں کہا ہے کہ  ملک بھر میں آنے والے پانی کے بحران کے پیش نظرشاہد آفریدی فاؤنڈیشن اپنے امریکی عطیہ دہندگان کے تعاون سے بلوچستان کےعلاقوں  پشین اور شاہ قلعہ میں پینے کے پانی کی اسکیمیں قائم کر رہی ہے۔ ہم اعتماد کرنے والوں کے شکر گزار ہیں۔

پانی کے بڑھتے ہوئے بحران کی وجہ سے یہ اقدام ضروری ہیں- بلوچستان کے علاقے پشین اور قلعہ سیف اللہ میں ایسی آبادیاں جہاں پینے کا صاف پانی موجود نہیں وہاں @SAFoundationN صاف پانی کی رسائی کو ممکن بنانے کے لیے کوشاں ہے اور علاقے میں مزید منصوبوں کو بروئے کار لا رہی ہے۔ https://t.co/QwpG7mEgLY

— Shahid Afridi (@SAfridiOfficial) May 17, 2022

سابق ٹیسٹ کرکٹ شاہد آفریدی نے اس حوالے سےا پنے ٹوئٹ میں لکھا کہ  پانی کے بڑھتے ہوئے  بحران کی وجہ سے یہ اقدامات  ضروری ہیں۔شاہد آفریدی نے بتایا کہ بلوچستان کے علاقے پشین اور قلعہ سیف اللہ میں ایسی آبادیاں جہاں پینے کا صاف پانی موجود نہیں وہاں شاہد آفریدی فاؤنڈیشن صاف پانی کی رسائی کو ممکن بنانے کیلیے کوشاں ہے اور علاقے میں مزید منصوبوں کو بروئے کار لارہی ہے۔