وزیر اعظم کی سربراہ ق لیگ سے ملاقات، چوہدری شجاعت نے بجٹ تجاویز دے دی

وزیراعظم میاں محمد شہبازشریف نے مسلم لیگ قاف  کے صدرچوہدری شجاعت حسین کی رہائش گا ہ میں ان سے ملاقات کی۔ وزیراعظم نے چوہدری شجاعت حسین کی ان کی  خیریت بھی دریافت کی ۔

وزیراعظم شہبازشریف نے قاف کے لیگ کے سربراہ چوہدری شجاعت حسین سے ان کی رہائش گاہ پر ملاقات کی ۔ اس موقع پر وفاقی وزراء طارق بشیرچیمہ، سالک حسین، خواجہ سعد رفیق اور صوبائی وزیر ملک احمد خان  بھی شریک ہوئے ۔

یہ بھی پڑھیے

وزیر اعظم کا عربی ٹوئٹر اکاؤنٹ بنتے ہی معطل پھر بحال ہوگیا

حکومت نے پی ٹی وی فلم ڈویژن اور پاک فلکس پراجیکٹ کا افتتاح کردیا

نون لیگی صدر اور قاف لیگ کے سربراہ کے درمیان ہونے والی ملاقات میں مسلم لیگ ق کے مرکزی رہنما چوہدری شافع حسین اورایم این اے فرخ خان صاحبہ بھی موجود تھیں۔

ملاقات کے دوران چوہدری شجاعت حسین نے وزیراعظم کو بیرون ملک پاکستانیوں اور بجٹ کے متعلق تجاویزدیں۔ وزیراعظم شہباز شریف نے کہا کہ چوہدری شجاعت  حسین کی تجاوز عوامی ہیں اوران  کو ضرور بجٹ کا حصہ بنائیں گے۔

وزیراعظم شہبازشریف  نے قاف کے وفاقی وزراء  کے تعریف کرتے ہوئے کہا کہ آپ کے دونوں وزیر بہت محنتی اور دیانتدار ہیں جس پرچوہدری شجاعت حسین نے کہا کہ ہم سب نے ملکر اس ملک کو معاشی بحران سے نکلنا ہے۔