دعا زہرا کی کراچی واپسی میں حائل تمام رکاوٹیں دور، بچی سندھ پولیس کے حوالے
جبران ناصر نے دارالامان میں دعا زہرہ سے اجنبیوں کی ملاقات اور ظہیر احمد کی گرفتاری میں پولیس کی عدم دلچسپی پر تشویش کا اظہار کیا۔
سندھ ہائی کورٹ کے فیصلے بعد دعا زہرہ کیس میں اہم پیش رفت کے بعد اس کے والد مہدی علی کاظمی کے وکیل جبران ناصر نے دارالامان میں لڑکی سے اجنبیوں کی ملاقات اور مرکزی ملزم ظہیر احمد کی گرفتاری میں پولیس کی عدم دلچسپی پر شدید تحفظات کا اظہار کیا۔
حالیہ پیش رفت کے مطابق کراچی کی عدالتوں بشمول سندھ ہائی کورٹ (SHC) اور ڈسٹرکٹ اینڈ سیشن کورٹ نے اگلی کارروائی سے قبل دعا زہرہ کو لاہور سے کراچی لانے کا حکم دیا ہے جبکہ ظہیر احمد بھی کراچی میں موجود ہے۔
یہ بھی پڑھیے
دعا زہرہ کیس میں اہم ترین موڑ سے بھرپور دن
ٹک ٹاکر خاتون ثانیہ خان کو شوہر نے قتل کردیا
دعا زہرہ کیس میں اہم پیش رفت
گزشتہ روز وزیراعظم شہباز شریف کے معاون خصوصی برائے انسانی حقوق سلمان صوفی نے اپنے ٹوئٹر اکاؤنٹ پر پیغام جاری کرتے ہوئے لکھا ہے کہ ” پنجاب حکومت سے درخواست کردی گئی ہے کہ وہ دعا زہرہ کے پروڈکشن آرڈر میں سہولت فراہم کرے اور بچی کی بحفاظت کراچی واپسی کے لیے سندھ چائلڈ پروٹیکشن بیورو کو مدد فراہم کرے۔”
Case update #DuaZehra
Punjab Government has been requested to facilitate The production order of Dua Zehra and assist Sindh Child Protection Bureau to safely transport the child back to Karachi.
She is kept safe & no one except court authorized persons are allowed to meet https://t.co/0LoXukjCYr
— Salman Sufi (Wear A Mask To Save Lives) (@SalmanSufi7) July 22, 2022
سلمان صوفی نے لکھا ہے کہ "اسے (دعا زہرہ) کو محفوظ رکھا جائے اور عدالت کے مجاز افراد کے علاوہ کسی کو ملنے کی اجازت نہیں ہے۔”
سلمان صوفی کے ٹوئٹ پر ٹوئٹ کرتے ہوئے وکیل جبران ناصر نے لکھا ہے کہ’’ "لاہور کے متعلقہ مجسٹریٹ نے انتہائی قابل اعتراض کارروائی کرتے ہوئے ایک اجنبی کی درخواست پر اسے وکالت ناموں پر دستخط کروانے کے لیے دارالامان میں دعا زہرہ سے ملنے کی اجازت دی۔” وکیل جبران ناصر نے مزید لکھا ہے کہ "ہماری درخواست کو عدالت عظمیٰ کے حکم کے باوجود زیر التوا رکھا ہوا ہے۔”
Extremely questionable proceedings of the Concerned Magistrate at Lahore who on application of a complete Stranger has allowed her to meet Dua-e-Zahra at Darul Aman to get Vakalatnamas signed whereas kept our application to intimate Court abt Hon SHC order in pending @SalmanSufi7
— M. Jibran Nasir 🇵🇸 (@MJibranNasir) July 22, 2022
جبران ناصر نے اپنے ٹوئٹ میں وزیراعظم کے معاون خصوصی سلمان صوفی کو بھی ٹیگ کیا ہے۔
مہدی علی کاظمی کے وکیل جبران ناصر نے مزید لکھا ہے کہ ” ہماری معلومات کے مطابق دعا زہرہ کیس میں ظہیر کے ملزم شبیر بھائی کو کوئی حفاظتی ضمانت نہیں دی گئی۔ تاہم اسے عدالت جاتے ہوئے گرفتار بھی نہیں کیا گیا۔ عبوری ضمانت 26جولائی تک ضمانت جمع کرانے سے مشروط تھی، لیکن آج کوئی ضمانت جمع نہیں کرائی گئی۔ اور ابھی تک کوئی گرفتاری نہیں ہوئی؟”
Extremely questionable proceedings of the Concerned Magistrate at Lahore who on application of a complete Stranger has allowed her to meet Dua-e-Zahra at Darul Aman to get Vakalatnamas signed whereas kept our application to intimate Court abt Hon SHC order in pending @SalmanSufi7
— M. Jibran Nasir 🇵🇸 (@MJibranNasir) July 22, 2022
تجزیہ کاروں نے دارالامان میں دعا زہرہ کے ساتھ مبینہ وکیل علی جعفری کے ساتھ یوٹیوبر زنیرہ ماہم کی ملاقات پر بھی سوالات اٹھائے ہیں۔ انہوں نے شبہ ظاہر کیا کہ کراچی کی عدالتوں میں پیشی سے قبل لڑکی کی برین واشنگ کے پیچھے بااثر گینگ کا ہاتھ ہے۔
ان کا یہ بھی کہنا تھا کہ زہرہ کے سندھ کے طبی معائنے کی رپورٹ کو چیلنج کیے جانے کا امکان ہے اور مبینہ اغوا کار پنجاب میں لڑکی کے نئے طبی معائنے کا مطالبہ کرنے کی کوشش کررہے ہیں۔
وکیل جبران ناصر نے اپنے ایک اور ٹوئٹر پیغام میں بتایا کہ دعا زہرا کو سندھ پولیس کے حوالے کرنے سے متعلق حکم نامہ جاری کردیا گیاہے ۔
Alhumdulillah. Order Passed to hand custody of #DuaZahra to Sindh Police who'll bring her to Karachi Child Protection Centre as per law. Brilliant effort by Advocates @fahad_a_siddiqi & @ahmadchauhdery in Lahore who defeated malicious scheme of accused. Also thanks to @adv_fiyaz pic.twitter.com/awingOAZLs
— M. Jibran Nasir 🇵🇸 (@MJibranNasir) July 23, 2022
انہوں نے اللہ کا شکرادا کرتے ہوئے لکھا کہ دعا زہرا کو سندھ پولیس کے حوالے کرکے اسے قانون کے تحت کراچی چائلڈ پروٹیکشن سینٹر لایا جائے گا ۔
جبران ناصر نے دعا زہرا کو کراچی واپسی پر لاہور کے موجود وکلاء کا شکریہ بھی ادا کیا ۔انہوں نے کہا کہ وکلاء نے اپنی محنت سے ملزمان کی مذموم اسکیم ناکام بنادی ہے ۔
