وفاقی حکومت کا چیف سیکریٹری پنجاب کو فوری تبدیل نہ کرنے کا فیصلہ

وفاقی حکومت نے چیف سیکرٹری پنجاب کامران علی افضل کو فوری تبدیل نہ کرنے کا فیصلہ کر لیا، چیف سیکریٹری پنجاب نے اپنا ستعفیٰ اسٹیبلشمنٹ ڈویژن کو ارسال کیا تھا۔

ذرائع اسٹیبلشمنٹ ڈویژن کے مطبق کامران علی افضل بطور چیف سیکرٹری پنجاب 10 محرم تک کام کرتے رہیں گے، عاشورہ کے بعد چیف سیکرٹری پنجاب کی تبدیلی ہوگی، صوبائی حکومت سے نئے چیف سیکرٹری کے لئے نام مانگے جائیں گے۔

یہ بھی پڑھیے

دعا زہرا کیس: تفتیشی افسر نے عبوری چالان جمع کروانے کیلئے مزید وقت طلب کرلیا

ممنوعہ فنڈنگ کیس: ایف آئی اے نے سابق اسپیکر قومی اسمبلی کو طلب کرلیا

واضح رہے کہ چیف سیکرٹری کی پنجاب میں مزید خدمات جاری رکھنے سے معذرت کی ہے، کامران علی افضل نے وفاقی حکومت کو مراسلہ لکھ دیا کہ پنجاب میں مزید خدمات جاری نہیں رکھ سکتا۔

چیف سیکرٹری نے ذاتی وجوہات پر کام جاری نہ رکھنے سے آگاہ کیا، انہوں نے وفاقی سیکرٹری اسٹیبلشمنٹ ڈویژن سے خدمات واپس لینے کی استدعا بھی کی تھی۔

چیف سیکرٹری پنجاب کامران علی افضل نے اپنے بیان میں کہا کہ میرے وزیراعلی پنجاب کیساتھ بہترین تعلقات ہیں اور انہوں نے مجھے بہت عزت دی۔

انہوں نے مزید کہا کہ چوہدری پرویز الہی کیساتھ بہترین تجربہ رہا لیکن کچھ وجوہات کے باعث وفاق کو درخواست کی کہ فوری طورپر میری خدمات پنجاب سے واپس لے لیں جائیں۔