امریکی ڈالر کی بھرپور اڑان سے روپے کی قدر کو ایک بار پھر بریک لگ گئی

امریکی ڈالر کے مقابلے میں پاکستانی روپے کی روز بروز بڑھتی قدر کو بریک لگ گیا۔ آج ڈالر کی قیمت میں 2 روپے اضافہ ریکارڈ کیا گیا جس کے بعد ایک ڈالر 216 روپے 66 پیسے پر پہنچ گیا۔

امریکی ڈالر کے مقابلے میں پاکستانی روپے کی قدر میں بہتری کو ریسورس گیئر لگ گیا اور امریکی ڈالر  ایک بار پھر سے   بھر پور اڑان بھرنے لگ گیا ہے ۔

یہ بھی پڑھیے

حکومت نے گھٹنے ٹیکتے ہوئے آئی ایم ایف کی مشکل شرائط پر سرتسلیم خم کرلیا

اسٹیٹ بینک پاکستان سے جاری اعداد و شمار کے مطابق انٹربینک تبادلہ مارکیٹ میں آج  ڈالر2 روپیہ ایک پیسے مہنگا ہوا ہے۔ انٹربینک میں 2 روپے کی اضافے کے بعد  ایک امریکی  ڈالر 215 روپے 66 پیسے کا ہوگیا ۔

Interbank closing #ExchangeRate for todayhttps://t.co/8dAJCDM8S3 pic.twitter.com/KDnHdBBAi4

— SBP (@StateBank_Pak) August 22, 2022

دوسری جانب اوپن مارکیٹ میں بھی امریکی ڈالر  آسمان کی بلندیوں کو چھوتا رہا ۔ آج اوپن مارکیٹ میں ڈالر کی خریداری کے باعث ڈالر کی قدر میں 2 روپے کا اضافہ ہوا ۔

فاریکس ایسوسی ایشن کے اعداد و شمار کے مطابق  کاروباری ہفتے کے پہلے روز پیر کو کاروباراوقات کار  کے اختتام تک امریکی ڈالر 220 روپے کی سطح پر آگیا۔

معاشی ماہرین نے ڈالر کی قدر میں اضافے کو ملک کی سیاسی  صورتحال کی بے یقینی کو قرار دیا۔ ماہرین نے امید ظاہر کی آئی ایم ایف سے قرض کی وصولی کے بعد روپے کی قدر میں اضافہ ہوگا ۔

معاشی ماہرین نے بتایا کہ آئی ایم ایف کے ایگزیکٹو بورڈ کے اجلاس کا کیلنڈر جاری کردیا گیا۔ پاکستان کیلئے ایک ارب سترہ کروڑ ڈالر کی اگلی قسط کی منظوری پیر 29 اگست کو متوقع ہے۔

رواں ماہ اگست کی 9 تاریخ کو امریکی ڈالر کی قدر میں  تقریباً 10 روپے کی کمی دیکھی گئی تھی۔ پاکستانی روپے میں  قدر میں اب تک ایک دن میں یہ سب سے زیادہ اضافہ تھا ۔

واضح رہے کہ قدر میں اضافے کے حالیہ رجحان کے باوجود 2022 کے آغاز سے اب تک روپیہ امریکی کرنسی کے مقابلے میں 19.36 فیصد تک گر چکا ہے۔ یکم جولائی سے روپیہ امریکی کرنسی کے مقابلے میں 6.41 فیصد گر چکا ہے۔