مہوش اعجاز کی تحریر کردہ پہلی فلم یاراوے کا ایک اور گانا جاری

معروف خاتون صحافی مہوش اعجاز کی تحریر کردہ فلم”یارا وے“کااور ایک گانا جاری کردیا گیا۔

یاراوے بطور اسکرین رائٹر مہوش اعجاز کی پہلی فلم ہے جس  کے نمایاں کرداروں میں اداکارسمیع خان، علیزہ نصیر ، فیضان خواجہ ،جاوید شیخ، مرینہ خان اور دیگرشامل ہیں۔

یہ بھی پڑھیے

متھیرا مغربی لباس میں تصاویر اپ لوڈ نہ کرنے کے وعدے پر قائم

مہوش  اعجاز نے اپنے ٹوئٹرہینڈل پر فلم کا دوسرا گانا شیئر کرتے ہوئے صارفین پر انکشاف کیا کہ یہ ان کی تحریر کردہ فلم کا گانا جو جلد سنیما گھروں کی زینت بننے والی ہے۔ اس سے قبل اس دلم کا ایک اور گانا تعبیر بھی جاری کیا جاچکا ہے۔

New song from #YaaraVey ❤️

This is the film I’ve written. Abt to hit theaters soon🫶🏼 pic.twitter.com/HIi6GnzbcA

— Mahwash Ajaz 🇵🇰 (@mahwashajaz_) August 25, 2022

بی لائن پروڈکشنز اور ایوری ڈے فلمز کی پیشکش فلم یارا وے کے ہدایت کار منیشن پنور اور  شاہ فہد ہیں جبکہ  مہوش اعجاز کے علاوہ التھیہ کوشل نے بھی فلم تحریر کرنے میں اشتراک کیا ہے۔فلم کا ٹیزر بھی گزشتہ ماہ جاری کیا گیا تھا۔جسے 12 لاکھ مرتبہ دیکھا جاچکا ہے۔

خاتون صحافی کے انکشاف پر صارفین  کی بڑی تعداد نے حیرانی کا اظہار کرتے ہوئے  انہیں مبارکباد دی اور ان کے لیے نیک خواہشات کا اظہار کیا۔