منورتالپور نے حاتم طائی کی قبر پہ لات ماردی، سیلاب متاثرین میں50 پچاس روپے تقسیم کیے
خرم شیرزمان کی جانب سے ٹوئٹرپرشیئر کی گئی ایک وڈیو میں دیکھا جاسکتا ہے کہ آصف زرداری کی ہمشیرہ رکن صوبائی اسمبلی فریال تالپورکے شوہرمنورتالپورسندھ کے سیلاب زدگان میں 50، 50 روپے کے نوٹ بطور امداد تقسیم کررہے ہیں، سوشل میڈیا صارفین نے طنزاً کہا کہ شکر کریں انہوں نے کچھ دے دیا ورہ یہ تو صرف لینے کے عادی ہیں
پیپلزپارٹی کے شریک چیئرمین آصف علی زرداری کی ہمشیرہ رکن سندھ اسمبلی فریال تالپور کے شوہر میرمنورتالپور نے سندھ کے سیلاب متاثرین میں 50 پچاس روپے امداد تقسیم کی۔
تحریک انصاف کے رکن سندھ اسمبلی خرم شیرزمان کی جانب سے ٹوئٹر پر شیئرکی گئی ایک وڈیو میں دیکھا جاسکتا ہے کہ آصف زرداری کی ہمشیرہ فریال تالپور کے شوہرمنورتالپور سندھ کے سیلاب زدگان میں 50، 50 روپے کے نوٹ بطور امداد تقسیم کر رہے ہیں۔
یہ بھی پڑھیے
ورلڈ بینک سمیت عالمی اداروں کا سیلاب متاثرین کیلئے 50 کروڑ ڈالر امداد کا اعلان
پی ٹی آئی کے رکن صوبائی اسمبلی نے منورتالپورپرطنز کرتے ہوئے لکھا کہ منورتالپورکی جانب سے دیئے گئے 50، 50 کے نوٹوں سے ان کے تمام مسائل حل ہوجائیں گے جبکہ سندھ میں ترقی اور خوشحالی آ جائے گی ۔
منزہ شاہ نامی ٹوئٹر صارف نے کہا کہ منورتالپور نے حاتم طائی کی قبر پہ لات ماردی ہے۔ اتنی بڑی امدادی رقم سے سیلاب متاثرین کو دبئی میں ولاز خریدنے چایئے تاکہ دوبارہ سیلاب سے محفوظ رہ سکیں۔
اتنی بڑی رقم سے سیلاب متاثرین کو دبئ میں ولاز خریدنے چاہۓ تاکہ دوبارہ کبھی سیلاب کی نظر نہ ہو انکا کچھ۔
اتنے خوش قسمت ہیں،اتنا پیسہ تو زرداری نے حکومت گرانے کیلۓ ایم این ایز خریدنے کیلۓ ٹوٹل نہیں دیا جتنا یہاں اک بندے کو دے رہے
واہ بھئ حاتم طائ کی قبر پہ لات ماری#PakistanFloods— Munazza Shah 🇵🇰 (@MunazzaShah14) August 26, 2022
خاتون ٹوئٹر صارف نے کہاکہ اتنا پیسہ کو آصف زرداری نے حکومت گرانے کے لیے ایم این ایز کو نہیں دیا جتنا یہاں متاثرین کو دے دیا گیا۔ سیلاب متاثرین خوش قسمت ہیں ۔
ناصر کاسی نامی صارف نے پیپلز پارٹی کی قیادت پر شدید تنقید کرتے ہوئے کہا کہ بہت بڑی بات ہے، کمال کردیا، یہ دینے کے عادی ہی نہیں صرف لوٹنے کے عادی ہیں۔
بہت بڑی بات ہے
کمال کر دیا،
یہ دینے کے عادی ہی نہیں
صرف لوٹنے کے عادی ہیں.— Nasir Kassi. ناصر کاسی (@nasir_kassi) August 26, 2022
ریا نامی خاتون نے اپنی رائے کا اظہار کرتے ہوئے کہا کہ یہ کتنی شرمناک بات ہے کہ 50 روپے بحران کی حالت میں انسانیت کی توہین کے مترادف ہے۔
How shameful is that, 50 rupees is like insulting humanity in a situation of crisis. This is why the mafia feudal’s don’t want the masses to be educated. So depressing to watch our own people suffering like this.
— Ria (@riahmad6) August 26, 2022
ان کا کہنا تھا کہ یہی وجہ ہے کہ مافیا جاگیردار نہیں چاہتے کہ عوام تعلیم یافتہ ہو۔ اپنے ہی لوگوں کو اس طرح کا دکھ دیکھ کر افسردہ ہوتا ہے۔
