شہزاد رائے نے احسن رحیم کو شطرنج پر ڈاکیومنٹری بنانے کا مشورہ کیوں دیا؟

گلوکار و سماجی رہنما شہزاد رائے ملک  کے نظام تعلیم میں اصلاحات کیلیے کمربستہ ہیں۔ اس حوالے سے انکی سماجی تنظیم زندگی ٹرسٹ کارہائے نمایاں انجام دے رہی ہے۔

شہزاد رائے نصاب، طرز تعلیم،اساتذہ کی تربیت جیسے انقلابی اقدامات کے علاوہ تعلیمی اداروں میں ہم نصابی سرگرمیوں کے فروغ کیلیے بھی کوشاں ہیں۔اسی سلسلے میں  شہزاد رائے نے زندگی ٹرسٹ کیجانب سے گود لیے گئے خاتون پاکستان اسکول میں شطرنج کا کھیل متعارف کرایا ہے۔

یہ بھی پڑھیے

احد رضا میر کی ریذیڈنٹ ایول کا دوسرا سیزن نیٹ فلکس سے آؤٹ

اداکارہ ریما کی کراچی کے ساحل پر بیچ بگی میں سواری

شہزادرائے نے اس حوالے سے اپنی تصویر شیئرکرتے ہوئے  اسکے کیپشن میں لکھا کہ   میں اچھے اقدامات پر یقین رکھتا ہوں، زندگی ٹرسٹ کے گود لیے گئے خاتون پاکستان اسکول میں شطرنج۔

Aap nay Behtreen set up banaya hai isko nationwide karain https://t.co/dRwiBU6sli

— Ahsan Rahim (@theotherahsan) August 28, 2022

فلمساز احسن رحیم نے شہزادرائے کے اقدام کو سراتے ہوئے ان کے ٹوئٹ پر تبصرہ کیا کہ  آپ نے بہترین  سیٹ اپ بنایا ہے اسے ملکر سطح تک پھیلائیں۔

We are trying to convince state and parents that chess , art , music and sports are as important as Maths , science and language . Documentry bana dain @theotherahsan 🙏 https://t.co/WInSt9GX7V

— Shehzad Roy (@ShehzadRoy) August 28, 2022

شہزادرائے نے احسن رحیم کے مشور ے پر لکھاکہ  ہم ریاست اور والدین کو یہ باور کرانے کی کوشش کررہے ہیں کہ شطرنج،موسیقی اور کھیل بھی حساب، سائنس اور زبانوں کی طرح اہمیت رکھتے ہیں۔ شہزاد رائے نے فلمساز احسن رحیم سے درخواست کی کہ اس موضوع پرایک دستاویزی فلم بنادیں۔