کیا صحافیوں کا چیف جسٹس کے طرز عمل پر سوال اٹھانا توہین عدالت نہیں؟

اسلام آباد ہائیکورٹ کی جانب سے  توہین عدالت کیس میں   تحریک انصاف   کے سربراہ عمران خان کو ایک اور موقع دیے جانے پر بعض سینئر صحافیوں نے چیف جسٹس اسلام آباد ہائیکورٹ اطہر من اللہ کے طرز عمل پر سوالات اٹھادیے۔

سینئر صحافی اعزاز سید  نے دعویٰ کیا ہے کہ چید جسٹس اطہرمن اللہ کی عمران خان سے دوستی ہے ا ور عمران  خان کی وزارت عظمیٰ کے دوران دونوں کے درمیان ٹیلی فون پر بات چیت بھی ہوتی رہی ہے۔سینئر صحافی نجم سیٹھی نے بھی کچھ اسی قسم کے تاثرات کا اظہا ر کیا ہے۔

یہ بھی پڑھیے

اسلام آباد ہائی کورٹ کا توہین عدالت کیس میں عمران خان کو ایک اور موقع

دہشتگردی کیس ، عمران خان کی ضمانت میں 12 ستمبر تک مزید توسیع

اسلام آباد ہائی کورٹ کے چیف جسٹس اطہر من اللہ نے گزشتہ سماعت میں پی ٹی آئی کے سربراہ عمران خان کو توہین عدالت کیس میں 7 دن بعد دوبارہ جواب جمع کرانے کا موقع دیا تھا کیونکہ سیاستدان اپنے سابقہ ​​جواب کے ذریعے عدالت کو مطمئن کرنے میں ناکام رہا تھا۔

اسلام آباد کی جج زیبا چوہدری کیخلاف توہین آمیز ریمارکس کے باوجود  عمران خان کے ساتھ مبینہ طور پرمسلسل نرم رویہ  اپنانے  پر ناقدین مسلسل اسلام آباد ہائیکورٹ کو تنقید کا نشانہ بنارہے ہیں۔

“I am revealing with confirmation & full responsibility that Imran Khan & Chief Justice Athar MinAllah are friends & would talk to each other on phone even when he was PM & Athar was CJ” Azaz Syed

pic.twitter.com/JUmB17ZAQM

— Shama Junejo (@ShamaJunejo) September 1, 2022

 یوٹیوب چینل پر نشر ہونے والے  پروگرام ٹالک شاک میں سینئر صحافی عمر چیمہ سے گفتگو کرتے ہوئے  سینئر صحافی اعزاز سید نے  کہا کہ میں آپ کو پوری ذمہ داری کے ساتھ معلومات دینا چاہتا ہوں کہ  عمران خان وزیراعظم تھے تو ان کی متعدد مواقع پر چیف جسٹس اطہر من اللہ کے ساتھ فون پر اور ویسے بھی بات ہوئی ہے۔

اسلام آباد ہائی کورٹ کے چیف جسٹس اطہر من اللہ اور عمران خان نے ٹیلی فون پر بات کی تھی اور متعدد مواقع پر ایک دوسرے سے ملاقات بھی کی تھی جب کہ پی ٹی آئی کے سربراہ وزیراعظم تھے۔ یہ ریاست کے سربراہ کی حیثیت سے ملاقات ہو سکتی ہے۔ میں یہ نہیں کہہ رہا کہ اسلام آباد ہائی کورٹ کے چیف جسٹس نے عمران خان کو بذات خود ٹیلی فون کیا تھا لیکن مجھے معلوم ہے کہ دونوں نے کئی بار ٹیلی فون پر بات کی۔

اعزاز سید نے کہا کہ  ظاہر ہے کہ یہ گفتگو ایگزیکٹو ہیڈ کے طور پر کی گئی ہوگی۔اس پر عمر چیمہ نے کہا کہ یہ ظاہر ہے والی بات نہیں ہے ، یہ بڑی سنجیدہ بات ہے،ایک چیف جسٹس ایک وزیراعظم کو کال کررہےہیں تو یہ سنجیدہ بات ہے۔ اس پر اعزاز سید نے کہا کہ میں یہ نہیں کہہ رہا کہ چیف جسٹس نے کال کی۔عمر چیمہ نے کہا کہ جس نے بھی کال کہ یہ بھنوئیں چڑھانے والی بات ہے۔

عمران خان کی چیف جسٹس ہائی کورٹ سے دوستی ہے نجم سیٹھی کا جھوٹا الزام یہ کلپ کسی طرح اسلام آباد ہائی کورٹ تک پہنچا دیں pic.twitter.com/UgdMNWAt1f

— Zαყαɳ Iƙ (@Zyyan_Ali) September 1, 2022

دوسری جانب سینئر صحافی اور اینکر پرسن نجم سیٹھی نے  اپنےیوٹیوب چینل پر نشر ہونے والے شو میں کہا کہ چیف جسٹس اطہر من اللہ نے توہین عدالت کیس میں ریمارکس دیے کہ انہیں  عمران خان کا جواب پڑھ کر ذاتی طور پر مایوسی ہوئی ہے۔

نجم سیٹھی نے کہا کہ اب مجھے نہیں پتہ کہ انہیں ذاتی طور پر کیوں مایوسی ہوئی ہے؟ اس میں ذات کا تو کوئی مسئلہ ہے ہی نہیں، کیا معروف ہونا ذات کا مسئلہ بن جاتا ہے اور غیرمعروف ہونا غیرذات کا مسئلہ ہوتا ہے، مجھے یہ بات سمجھ نہیں آئی۔

پروگرام میں شریک خاتون اینکر نے لقمہ دیا کہ آپ کو ان کی مایوسی سے مایوسی ہوئی ؟ نجم سیٹھی نے کہا کہ ہاں مجھے  ہوئی، میں نے کہا کہ یہ  کوئی بات کرنے والی ہے؟ کہ آپ کو ذاتی مایوسی ہوئی ہے۔

نجم سیٹھی نے کہا کہ چلیں آگے بڑھتے ہیں ، ہوسکتا ہے کہ ان کی  دوستی ہو، اس لیے اس بات کو چھوڑ دیتے ہیں مگر اگر دوستی بھی ہے تو اس قسم کی کھلی عدالت میں  ظاہر نہیں کی جاتی ، پھر لوگ یہ کہتے ہیں کہ آپ تو متعصب ہیں ، آپ کی تو  دوستی ہے، آپ کو تو ذات یاد آگئی۔

 تجزیہ کاروں نے سوال کیا کہ کیا عمران خان کے توہین عدالت کیس پر صحافیوں کے تبصرے کو توہین عدالت سمجھا جائے کیونکہ انہوں نے   چیف جسٹس  اسلام آباد ہائیکورٹ کے طرز عمل پر سوالات اٹھائے ہیں۔

ان کا کہنا تھا کہ مین اسٹریم میڈیا چینلز اور سوشل میڈیا نے ہنگامہ برپا کیا کہ اسلام آباد ہائیکورٹ  گھٹنے ٹیک چکی ہے لیکن توہین عدالت کیس میں سپریم کورٹ نے سوئس حکام کو خط نہ لکھنے پر سابق وزیراعظم یوسف رضا گیلانی کو تین مواقع دیے تھے۔