صحافی اور یوٹیوبر بلال احمد کا وڈیو ایڈیٹر اسپارٹن حامد سے مالی فراڈ

ویڈیو ایڈیٹراسپارٹن حامد نے صحافی بلال احمد کے خلاف  مالی فراڈ کے الزامات عائد کر تے ہوئے کہا ہے کہ یوٹیوبر نے ویڈیوز ایڈیٹنگ کے لیے ان کی خدمات حاصل کرنے کے بعد ان کی واجب الادا ادائیگیاں نہیں کیں۔

ایک نان لائن ایڈیٹر (این ایل ای ) اسپارٹن حامد نے صحافی اور یوٹیوبر بلال احمد کے خلاف مالی فراڈ کے الزامات لگائے ہیں، انہوں نے  دعویٰ کیا ہے کہ  بلال احمد نے ان  کو  واجب الادا ادائیگیاں نہیں کیں۔

یہ بھی پڑھیے

یونائیٹڈ بینک کاصارف سے فراڈ، صدر نے لوٹی رقم واپس کرنے کی ہدایت کردی

فیس بک پر نان لائنر ایڈیٹر (این ایل ای ) یعنی اسپارٹن حامد نے الزام لگایا کہ صحافی اور یوٹیوبر بلال احمد نے ویڈیوز  کی ایڈیٹنگ کے لیے ان کی خدمات حاصل کرنے کے بعد ان کا معاوضہ ادانہیں کیا۔

انہوں نے اپنی پوسٹ پر لکھا کہ اگر کوئی انہیں 24 نیوز ایچ ڈی چینل کے کورٹ رپورٹر بلال احمد کا رابطہ نمبر بھیجے کیونکہ وہ ان کے پیغامات اور ٹیلی فون کالز کا جواب نہیں دے رہے تھے اور ان کا نمبر بلاک کر دیا تھا۔

حامد نے مزید کہا کہ انہوں نے دوسرے صحافیوں کے ذریعے بلال احمد تک پیغامات پہنچانے کی کوشش کی لیکن وہ بظاہر دعا زہرہ کیس میں زیادہ مصروف دکھائی دے رہے تھے۔

این ایل ای کا کہنا تھا کہ وہ چند دنوں میں اس معاملے پر ایک ویڈیو شیئر کریں گے اور اگر وہ ان سے رابطہ کرنے میں ناکام رہے تو وہ بلال احمد کو بھیجے گئے اپنے پیغامات کے اسکرین شاٹس شیئر کریں گے۔

ویڈیو ایڈیٹر نے بلال احمد کے یوٹیوب چینل کے اسکرین شاٹس بھی "نئی تلاش” کے نام سے ایک اور چینل کے ساتھ شیئر کیے ہیں۔