ڈالر کے بعد ڈار کا تیل پر وار، پیٹرول اور ڈیزل پر عوام کو بڑا ریلیف

وفاقی وزیر خزانہ کا ڈالر کے تیل کی دھار بھی وار ، عوام کو بڑا ریلیف فراہم کردیا ، اسحاق ڈار نے پیٹرول کی قیمت میں 12 روپے 63 پیسے اور ڈیزل کی قیمت میں بھی 12 روپے 13 پیسے فی لیٹر کمی کردی ، پیٹرول کی نئی قیمت 224 روپے 80 پیسے فی لیٹر مقرر کردی۔

بین الاقوامی مارکیٹ میں کروڈ آئل نچلی ترین سطح پر ہے جس کی بنیاد پر پاکستانی عوام کو ریلیف فراہم کیا گیا ہے۔

یہ بھی پڑھیے

حبیب بینک لمیٹڈ کو دہشتگردوں کی مالی معاونت پر امریکا میں مقدمے کا سامنا

وزیر خزانہ اسحاق ڈار کی وطن واپسی ، عوام کو راس آنے لگی ، ڈالر کے ریٹ کم اور روپیہ مستحکم ہونے کے بعد اب پٹرولیم مصنوعات کی قیمتوں میں کمی کا ریلیف مل گیق۔

وزیر خزانہ اسحاق ڈار نے اسلام آباد میں نیوز کانفرنس کے دوران اعلان کیا کہ پیٹرول کی قیمت میں 12 روپے 63 پیسے کمی کی جا رہی ہے۔ پیٹرول کی نئی قیمت 224 روپے 80 پیسے فی لٹر مقرر کی گئی ہے۔

pic.twitter.com/hcFzUd6JSI

— Ministry of Finance (@FinMinistryPak) September 30, 2022

وزارت خزانہ کے مطابق ڈیزل کے ریٹ میں 12 روپے 13 پیسے کی کمی کی گئی ہےاور ڈیزل کی نئی قیمت 235 روپے 30 پیسے فی لٹر کی گئی ہے۔

مٹی کے تیل کی قیمت 10 روپے 19 پیسے کمی کے بعد مٹی کے تیل کی نئی قیمت 191 روپے 83 پیسے کردی گئی ہے۔اسی طرح 10 روپے 78 پیسے فی لیٹر کمی کے بعد لائٹ ڈیزل آئل کی نئی قیمت 186 روپے 50 پیسے ہوگئی ہے۔

وزارت خزانہ نے پیٹرولیم مصنوعات کی قیمتوں میں ردوبدل کا نوٹی فیکیشن جاری کردیا ہے۔نوٹی فیکیشن کے مطابق حکومت نے پیٹرولیم مصنوعات پر سیلز ٹیکس صفر برقرار رکھنے کا فیصلہ کیا ہے۔

نوٹی فیکیشن کے مطابق پیٹرول پر پیٹرولیم لیوی کی شرح 32 روپے 42 پیسے فی لیٹر مقرر کر دی گئی ہے جبکہ ہائی اسپیڈ ڈیزل پر لیوی کی شرح 12 روپے 58 پیسے مقرر کی گئی ہے۔

یکم اکتوبر سے مٹی کے تیل پر پیٹرولیم لیوی کی شرح 15 روپے فی لیٹر مقرر کی گئی جبکہ لائٹ ڈیزل پر لیوی کی شرح 10 روپے فی لیٹر مقرر کی گئی ہے۔