ملالہ فلم جوائے لینڈ کی ایگزیکٹو پروڈیوسربن گئیں،فیروز خان کا فلم پر پابندی کا مطالبہ

نوبل انعام یافتہ پاکستانی ملالہ یوسفزئی آسکر ایوارڈ کیلیے پاکستان کی طرف سے باقاعدہ طور پر نامزد کی جانے والی فلم جوائے لینڈ کی اعزازی ایگزیکٹو پروڈیوسر بن گئیں۔

فلم جوائے لینڈ کل لندن فلم فیسٹیول میں دکھائی جائے گی۔دوسری جانب  اداکار فیروز خان نے فلم جوائے لینڈ کو ہم جنس پرستی کے فروغ کا ذریعہ قرار دیکر اس پر پابندی عائد کرنے کا مطالبہ کردیا جس پر انہیں تنقید کا نشانہ بنایاجارہا ہے۔

یہ بھی پڑھیے

فلم جوائے لینڈ 18نومبر کو  پاکستان بھر میں ریلیز کی جائے گی

اداکارہ ثروت گیلانی نے ملالہ یوسفزئی کے فلم کی ٹیم کا حصہ بننے کی خبر شیئر کرتے ہوئے اپنی انسٹاگرام پوسٹ میں لکھا کہ ملالہ کے ٹیم جوائے لینڈ کا حصہ بننے پر خوشی ہوئی۔ فلم کل لندن فلم فیسٹیول میں  پریمیئر  کے لیے تیار ہے۔

 

View this post on Instagram

 

A post shared by Sarwat G (@sarwatg)

دوسری جانب اداکارفیروز خان نے فلم جوائے لینڈ کو ہم جنس پرستی کے فروغ کا ذریعہ قرار دیتے ہوئے اس پر پابندی عائد کرنے کا مطالبہ کردیا۔فیروز خان  کی جانب سے شیئر کی گئی انسٹاگرام اسٹوری سوشل میڈیا پر وائرل ہورہی ہے اورصارفین انہیں تنقید کا نشانہ بنارہے ہیں۔

Only in Pakistan – a wife beater demanding to ban a critically acclaimed film because it supposedly has a trans character pic.twitter.com/NbY3hVZm5d

— Syed Zain Raza (@SydZainRaza) October 3, 2022

سید زین رضا نامی صارف نے فیروز خان کی اسٹوری اپنے ٹوئٹ میں شیئر کرتے ہوئے لکھاکہ صرف پاکستان میں ہی  بیوی پر تشدد کرنے والا ایک شخص  تنقیدی طور پر سراہی جانے والے فلم پر پابندی کا مطالبہ کرسکتا ہے کیونکہ اس میں ایک ٹرانس کردار ہے۔