فریحہ الطاف اور ماہین خان سیلاب متاثرہ بچی سےاجتماعی زیادتی پر تڑپ اٹھیں
پاکستانی فیشن انڈسٹری کی دومعروف ترین شخصیات فریحہ الطاف اور ماہین خان کراچی کے علاقے کلفٹن میں 10 سالہ سیلاب متاثرہ یتیم بچی سےاجتماعی زیادتی پر تڑپ اٹھیں۔
10 سالہ بچی کو اتوار 23 اکتوبر کو کلفٹن کے علاقے میں کارسواروں نے اجتماعی زیادتی کا نشانہ بنایا تھا،واقعے پر سوشل میڈیا اور میڈیا کے شور شرابے کے باعث پولیس حرکت میں آئی ۔واقعے میں ملوث ملزمان کو کراچی اور اندرون سندھ سے گرفتار کرلیا گیا ہے جبکہ سندھ ہائیکورٹ نے واقعے کا ازخود نوٹس لے لیا۔
یہ بھی پڑھیے
کراچی میں سیلاب متاثرہ بچی اور لاہور میں 21 سالہ لڑکی سے اجتماعی زیادتی
سندھ ہائیکورٹ کا سیلاب متاثرہ بچی سے اجتماعی زیادتی پر ازخود نوٹس، ملزمان گرفتار
فریحہ الطاف نے گزشتہ روز واقعے کی خبر شیئرکرتے ہوئے اپنے ٹوئٹ میں لکھا کہ وہ 10 سال کی تھی،اسے کراچی کے علاقے کلفٹن سے اغواکرکے اجتماعی جنسی زیادتی کا نشانہ بنایا گیا۔
She’s 10 years old.
She’s kidnapped & gang raped in Clifton khi
While we are entrenched in the endless political drama,our children remain unsafe in Pakistan. Rape,domestic abuse has been on the rise since pandemic. @Sahil_NGO @aahungngo #childsexualabuse @NJLahori @Maheenkhanpk pic.twitter.com/wSWTM5j5tn— Frieha Altaf (@FriehaAltaf) October 25, 2022
ایک طرف ہم لامتناہی سیاسی ڈرامے میں الجھے ہوئے ہیں اور دوسری طرف ملک میں ہمارے بچے غیرمحفوظ ہیں۔ انہوں نے لکھا کہ کرونا وبا کے بعد سے جنسی زیادتی اور گھریلو بدسلوکی کے واقعات میں اضافہ دیکھنے میں آیا ہے۔
@FriehaAltaf we can cry over these beastly acts but until the concerned departments support us and take stern action , our tears will just dry up and mothers will continue to mourn . https://t.co/nmHsibLjQB
— Maheen Khan (@Maheenkhanpk) October 25, 2022
فریحہ الطاف کے ٹوئٹ پر تبصرہ کرتے ہوئے ماہین خان نے لکھا کہ فریحہ الطاف! ہم ان وحشیانہ حرکتوں پر رو سکتے ہیں لیکن جب تک متعلقہ محکمے ہمارا ساتھ نہیں دیں گے اور سخت ایکشن نہیں لیں گے تب تک ہمارے آنسو سوکھتے رہیں گے اور مائیں ماتم کرتی رہیں گی۔
