وزیراعظم کا زمبابوے کے صدر کو طنز پر قومی جذبے سے بھرپور جواب
زمبابوے کے صدر نے ٹی ورلڈکپ میں پاکستان کو اپ سیٹ شکست دینے پر اپنی ٹیم کو مبارکباد دیتے ہوئے اگلی بار اصلی مسٹر بین بھیجنے کا مشورہ دیا تھا۔
ٹی ٹوئنٹی ورلڈکپ میں زمبابوے کے ہاتھوں سیٹ شکست کے بعد جہاں سوشل میڈیا صارفین کی جانب سے پاکستان ٹیم کی ٹرولنگ کا سلسلہ جاری ہے وہیں زمبابوے کے صدر ایمرسن منانگاگوا نے بھی پاکستان کو ٹرولنگ کا نشانہ بنا ڈالا۔
گزشتہ روز پرتھ آسٹریلیا میں کھیلے گئے میچ میں زمبابوے کے 131 رنز کے ہدف کے تعاقب میں پاکستان ٹیم مقررہ اوورز میں 8 وکٹوں پر 129 رنز بناسکی۔
یہ بھی پڑھیے
ٹی 20 ورلڈکپ میں پاکستان کو زمبابوے کے ہاتھوں اپ سیٹ شکست
ٹی20 ورلڈ کپ: آخری اوور میں نواز کی نوبال متنازع، سابق کرکٹرز بھی بول پڑے
زمبابوے کے صدر ایمرسن منانگاگوا نے میچ کے بعد ٹوئٹ کرتے ہوئے اپنی ٹیم کو مبارک باد دی اور ساتھ ہی پاکستان کو ایک پیغام بھی دیا کہ”اگلی بار اصلی مسٹر بین بھیجنا“۔
We may not have the real Mr Bean, but we have real cricketing spirit .. and we Pakistanis have a funny habit of bouncing back 🙂
Mr President: Congratulations. Your team played really well today. 👏 https://t.co/oKhzEvU972
— Shehbaz Sharif (@CMShehbaz) October 27, 2022
وزیر اعظم شہباز شریف نے زمبابوے کے صدر کو جواب دیتے ہوئے اپنے ٹوئٹ لکھا کہ ہمارے پاس اصلی مسٹر بین نہیں ، لیکن ہمارے پاس کرکٹ کا اصلی جذبہ ہے اور ہم پاکستانیوں کی مضحکہ خیزعادت ہے کہ پلٹتے ضرور ہیں ۔
وزیراعظم نے پاکستان کیخلاف اہم کامیابی پر زمبابوے کے صدر کو مبارکباد دیتے ہوئے ان کی ٹیم کے کھیل کی تعریف بھی کی۔
زمبابوے کے صدر نے مسٹر بین کا ذکر کیوں کیا؟
یاد رہے کہ پاکستان اور زمبابوے کے میچ سے قبل گزشتہ روزگوگی چاسورا نامی ٹوئٹر صارف نے پی سی بی کی ٹوئٹر پوسٹ پر تبصرہ کیا کہ” بحیثیت زمبابوین ہم آپ کو معاف نہیں کریں گے، آپ نے ایک بار ہمیں مسٹر بین روون کے بجائے جعلی مسٹر بین دیا تھا، ہم یہ معاملہ کل حل کرلیں گے، بس دعا کریں کہ آپ کو بارش بچا لے “۔
As Zimbabweans we wont forgive you…you once gave us that Fraud Pak Bean instead of Mr Bean Rowan ..we will settle the matter tommorow just pray the rains will save you…#ZIMVSPAK
— Ngugi Chasura (@mhanduwe0718061) October 25, 2022
جب ایک صارف کی جانب سے گوگی چاسوراسے پوچھا گیا کہ معاملہ کیا ہے تو انہوں نے بتایا کہ”ہمارے ایک ایگریکلچر پروگرام میں پاکستان نے ہمیں اصلی مسٹر بین کے بجائے ان کا ہمشکل جعلی مسٹر بین بھیج دیا تھا“۔
They gave us Pak Bean instead of Mr Bean on one of our local events called agriculture show
— Ngugi Chasura (@mhanduwe0718061) October 25, 2022
جب ان سے پوچھا گیا کہ جعلی مسٹر بین کون؟ تو گوگی چاسورا نے آصف میمن کی تصویر شیئر کی جو برطانوی اداکار روون اٹکنسن( المشہور مسٹربین) کے ہمشکل لگتے ہیں اور اس وجہ سے پاکستان میں بھی کافی مشہور ہیں۔
Here is the footage of Pakistani, Mr. Bean in Zimbabwe. The controversy is getting out of hands 🤣pic.twitter.com/BW3oc3oZbm
— Shafqat Shabbir (@Chefkat23) October 26, 2022
رپورٹس کے مطابق آصف میمن کو 2016 میں زمبابوے میں ایک تقریب میں مدعو کیا گیا تھا، جہاں انہوں نے ہرارے انٹرنیشنل کانفرنس سینٹر میں ایک کامیڈی نائٹ میں شرکت کی۔
I told them they dont listen pic.twitter.com/puPxD92ch2
— Ngugi Chasura (@mhanduwe0718061) October 27, 2022
جمعرات کو سپر 12 مرحلے میں پاکستان کو زمبابوے کے ہاتھوں سنسنی خیز مقابلے میں شکست ہوئی تو گوگی چاسورا نے دوبارہ ٹوئٹ کرتے ہوئے کہا کہ میں نے پہلے ہی کہا تھا پر انہوں نے سنا ہی نہیں۔
