دنیا کی سب سے لمبی ٹانگوں والی لڑکی
![](https://news360.tv/wp-content/uploads/2020/10/Longest-Leg-Gril-4-780x470.jpg)
ٹیکساس: ورلڈ ریکارڈ قائم کرنے کیلئے کوئی انوکھا کام کرنے کی ضرورت نہیں۔ اگر قدرت نے آپ کو کوئی غیرمعمولی چیز عطا کی ہے تو بھی آپ ورلڈ ریکارڈ قائم کر سکتے ہیں۔ یقین نہ آئے تو امریکی لڑکی میسی کیورین کو ہی دیکھ لیں جو اپنی لمبی ٹانگوں کی وجہ سے گنیز بک آف ورلڈ ریکارڈ کا حصہ بن گئی ہے۔
میسی کیورین اس وقت دنیا کی سب سے لمبی ٹانگوں والی لڑکی ہیں۔ ان کی ٹانگوں کی غیرمعمولی لمبائی دیکھنے والے کو حیرت میں مبتلا کردیتی ہے۔ میسی کیورین کی ٹانگوں کی لمبائی 53 انچ ہے جبکہ ان کا قد 6 فٹ 10 انچ ہے۔
میسی کیورین کو طویل ٹانگوں کی وجہ سے روز مرہ کی زندگی میں کئی مشکلات کا سامنا کرنا پڑتا ہے۔ ان کا کہنا ہے کہ لمبی ٹانگوں کی وجہ سے سر دروازے سے ٹکراتا ہے، جبکہ گاڑی میں بیٹھنا اور لباس کی تلاش میں بھی کافی مشکلات جھیلنی پڑتی ہے۔
دوسری جانب میسی کیورین کی طویل ترین ٹانگوں نے انہیں سوشل میڈیا پر بھی مشہور کردیا ہے۔ انہوں نے اب تک انسٹاگرام اکاؤنٹ پر صرف 5 پوسٹ شیئر کی ہیں، جبکہ ان کے فالوورز کی تعداد 41 ہزار سے زائد ہوچکی ہے۔
واضح رہے کہ طویل ترین ٹانگوں کا سابقہ ریکارڈ روس کی ایکاٹیرنیا لیسینا کے پاس تھا جن کی ٹانگوں کی لمبائی 52.2 انچ تھی۔