ایلون مسک کی ایڈورڈ اسنوڈن اور جولین اسانج کو معافی دلانے کی کوششیں

مائیکرو بلاگنگ سائٹ ٹوئٹر کےچیف ایگزیکٹو آفیسر (سی ای او) ایلون مسک نے سوشل سائٹ پر امریکا کی حساس اور خفیہ فوجی و سیاسی معلومات منظرعام پر لانے والے ایڈورڈا سنوڈن اور جولین اسانج  کے حوالے سے ایک سروے کروایا ۔

بزنس ٹائیکون ایلون مسک نے اپنے ٹوئٹر پول سروے میں سوال کیا کہ "ایڈورڈا سنوڈن اور جولین اسانج” کو معاف کردیا جائے؟۔ مسک نے واضح کیا یہ میری رائے نہیں بلکہ ایک سروے ہے جس کا وعدہ کیا گیا تھا ۔

یہ بھی پڑھیے

برطانیہ کی جولین اسانج کو امریکا کے حوالے کرنے کی منظوری

ایڈورڈ اسنوڈن اور جولین اسانج امریکی فوج اور انٹیلی جنس ایجنسی کے غیرقانونی کاموں کو بے نقاب کرنے والی خفیہ اور حساس معلومات منظر عام پر لانے کے بعد سے  جلاوطنی کی زندگی گزار رہے ہیں۔

بزنس ٹائیکون مالک ایلون مسک نے اتوار کے روز صارفین سے اس بارے میں رائے شماری کی کہ آیا وسل بلور ایڈورڈ اسنوڈن اور وکی لیکس کے شریک بانی جولین اسانج کو امریکی حکومت کو معاف کردینا چاہیے۔

I am not expressing an opinion, but did promise to conduct this poll.

Should Assange and Snowden be pardoned?

— Elon Musk (@elonmusk) December 4, 2022

مسک کے پول سروے  میں کہا گیا کہ میں رائے کا اظہار نہیں کررہا ہوں لیکن میں نے یہ پول کروانے کا وعدہ کیا ہے۔ کیا اسانج اور اسنوڈن کو معاف کر دیا جائے؟۔زیادہ تر صارفین نے معافی کے حق میں ووٹ دیا ۔

برنس ٹائیکون ایلون مسک کے پول میں 33 لاکھ سے زائد ووٹ کاسٹ کیے گئے جس میں 80 فیصد سے زائد افراد  نے” ایڈورڈا سنوڈن اور جولین اسانج ” کی معافی کے حق میں ووٹ کاسٹ کیا ۔

واضح رہے کہ جولین اسانج اس وقت لندن میں موجود ہیں جہاں سے انہیں بے دخل کیے جانے کے احکامات جاری ہوگئے ہیں تاہم وہ عدالت  میں پہنچ گئے ہیں جبکہ اسنوڈن کو روس نے شہریت ملک چکی ہے ۔