ٹی 20 ورلڈ کپ سپر 12 مرحلہ: انڈین سورماؤں نے پاکستانی شاہینوں کے پر کُتر دیئے

آئی سی سی ٹی ٹوئنٹی ورلڈ کپ کے سپر 12 مرحلے کے ہائی وولٹیج میچ میں سنسنی خیز مقابلے کے بعد انڈیا نے پاکستان کو 4 وکٹوں سے شکست دے دی۔

میلبورن کرکٹ گراؤنڈ میں کھیلے گئے میچ میں پاکستان نے انڈیا کو جیت کے لیے 160 رنز کا ہدف دیا تھا ، جواب میں انڈیا کی ٹیم آخری بال پر چوکا مار کے جیت اپنے نام کرلی۔

اس سے قبل پاکستانی ٹیم نے انڈیا کی دعوت پر پہلے کھیلتے ہوئے مقررہ 20 اوورز میں 8 وکٹوں کے نقصان پر 159 رنز بنائے تھے اور انڈیا کو جیت کےلیے 160 رنز کا ہدف دیا تھا۔

ہدف کے تعاقب میں بھارتی ٹیم کی شروعات کوئی اچھی نہیں تھی ، اوپنر کے ایل راہول اور روہت شرما 4 ، 4 رنز بنا کر پویلین لوٹ  گئے ، جبکہ دوسرے اینڈ پر کوہلی اور پانڈیا نے ذمہ دارانہ اننگز کھیلی۔ ویرات کوہلی نے 53 گیندوں پر 82 جبکہ ہاردک پانڈیا 40 رنز بناکر نمایاں رہے تاہم ٹیم کو جیت کے دلانے میں ناکام رہے۔

اس سے قبل بھارتی کپتان روہت شرما نے ٹاس جیت کر پہلے باؤلنگ کا فیصلہ کیا تھا۔ جو ان کے حق میں بہتر ثابت ہوا۔

پاکستان کی جانب سے کپتان بابر اعظم اور محمد رضوان نے اننگز کا آغاز کیا ،تاہم پہلی ہی بال پر بابر اعظم آؤٹ ہو کر پویلین لوٹ گئے۔ جبکہ محمد رضوان بھی 12 گیندوں پر 4 رنز بنا کر آؤٹ ہو گئے۔

شان مسعود اور افتخار احمد نے ذمہ دارانہ کھیل پیش کیا اور ابتدا میں دو کھلاڑی آؤٹ ہونے کے بعد ٹیم کو سنبھالا دیا۔

شان مسعود نے 42 گیندوں پر 52 رنز کی اننگز کی کھیلی ، ان کی اننگز میں 4 چوکے شامل تھے۔

افتخار احمد جارحانہ انداز میں کھیلتے ہوئے 34 گیندوں پر 51 رنز اسکور کیے ، ان کی اننگز میں 4 چھکے اور 2 چوکے شامل تھے۔

دیگر بلےبازوں میں شاداب خان 5، حیدر علی 2، محمد نواز 9، آصف علی 2، شاہین آفریدی 16 رنز بناکر نمایاں رہے۔

بھارت کی جانب سے ارشدیب اور ہاردک پانڈیا نے 3، 3 کھلاڑیوں کو پویلین کی راہ دکھائی جبکہ محمد شامی نے ایک کھلاڑی کو آؤٹ کیا۔

پاکستان کا اسکواڈ:

کپتان بابراعظم، محمد رضوان، شان مسعود، افتخار احمد، حیدر علی، محمد نواز، آصف علی، شاہین شاہ آفریدی، نسیم شاہ، شاداب خان اور حارث رؤف شامل ہیں۔

بھارت کا اسکواڈ:

کپتان روہت شرما، کے ایل راہول، ویرات کوہلی، سوریہ کمار یادیو، ہاردک پانڈیا، دنیش کارتک، اکشر پٹیل، آر اشون، محمد شامی، بھونیشور کمار اور ارشدیپ سنگھ شامل ہیں۔