پاکستان کے مرکزی بینک کے زرمبادلہ کے ذخائر میں 6 ملین امریکی ڈالر کی کمی
اسٹیٹ بینک کے مطابق، پاکستان کے پاس کل مائع غیر ملکی ذخائر تقریباً 10 بلین ڈالر رہ گئے ہیں۔
اسلام آباد: اسٹیٹ بینک آف پاکستان (ایس بی پی) نے کہا ہے کہ اس کے زرمبادلہ کے ذخائر میں 6 ملین امریکی ڈالر کی کمی واقع ہوئی ہے۔
اسٹیٹ بینک نے جمعرات کی شب ایک بیان میں کہا کہ 28 اپریل کو ختم ہونے والے ہفتے کے دوران، مرکزی بینک کے زرمبادلہ کے کل ذخائر تقریباً 4.5 بلین ڈالر تک گر گئے۔
یہ بھی پڑھیے
سونے کی قیمتیں ساتویں آسمان پر پہنچ گئی؛ ایک تولہ 2 لاکھ 26 ہزار کا ہوگیا
اپسوس سروے میں پاکستان بے کاروں کی قوم اور دنیا کا پانچوں پرُ امید ملک قرار
اسٹیٹ بینک آف پاکستان نے اپنے بیان میں مزید کہا ہے کہ کمرشل بینکوں کے پاس موجود خالص غیر ملکی ذخائر تقریباً 5.6 بلین ڈالر ہیں۔
اسٹیٹ بینک کے مطابق، پاکستان کے پاس کل مائع غیر ملکی ذخائر تقریباً 10 بلین ڈالر رہ گئے ہیں۔
معاشی ماہرین کا کہنا ہے کہ پاکستان کو اپنے زرمبادلہ کے ذخائر میں کافی عرصے سے کمی کا سامنا ہے جس کی وجہ سے مجموعی شرح مبادلہ اور جنوبی ایشیائی ملک میں کاروباری اور اقتصادی سرگرمیاں متاثر ہو رہی ہیں۔
