ملک کے دیوالیہ ہونےکا خطرہ بدستور موجود ہے، مفتاح اسماعیل

سابق وزیر خزانہ مفتاح اسماعیل نے کہا ہے کہ پاکستان کے دیوالیہ ہونے کا خطرہ بدستور موجود ہے، آئی ایم ایف سے معاہدہ 6 ماہ پہلے ہو جانا چاہیے تھا۔

لندن میں میڈیا سے گفتگو کرتے ہوئے مفتاح اسماعیل نے کہا کہ پاکستان اب تک 6 ارب ڈالر جمع کرنے کی شرط بھی پوری نہیں کرسکا، اب شاید آئی ایم ایف بجٹ دیکھ کر فیصلہ کرے۔

یہ بھی پڑھیے

بجٹ 2023-24 کی تیاری آخری مراحل میں: دفاعی بجٹ کے لیے 1700 ارب روپے مختص

مہنگائی کی شرح پھر 48فیصد سےبلند، ایک سال میں آٹا، پتی، آلو 100فیصد سے زائد مہنگے

ان کا کہنا تھا کہ اسحاق ڈار کو میرے مشوروں کی ضرورت نہیں، مسائل کے حل کیلئے بنیادی اصلاحات اور تنظیم نو کی ضرورت ہے۔سابق وفاقی وزیر نے کہا کہ عمران خان کی گرفتاری کے بعد کے رویے پر پی ٹی آئی کی حمایت متاثر ہوسکتی ہے۔

ان کا کہنا تھا کہ عمران خان کو برطانیہ سے ملے 190 ملین پاؤنڈ کا جواب دینا چاہیے۔انہوں نے کہا کہ مجھے 50 روز قید تنہائی اور 3 ماہ اڈیالہ جیل میں رکھا گیا۔پارٹی قائد نواز شریف سے رابطے کے سوال پر مفتاح اسماعیل نے نفی میں جواب دیا۔