بجٹ 2024-2025: صوبوں کیلیے 74 کھرب 38 ارب مختص
![](https://news360.tv/wp-content/uploads/2024/06/2651783-nifc-1718221217-309-640x480-1-640x470.jpg)
وفاقی حکومت نے بجٹ 2024-25 میں این ایف سی ایوارڈ کے تحت چاروں صوبوں کے لیے مجموعی طور پر 74 کھرب 38 ارب روپے مختص کردئیے۔
بجٹ دستاویزات کے مطابق گزشتہ بجٹ 2023-2024 میں این ایف سی ایوارڈ کے تحت صوبوں کو 53 کھرب 99 ارب روپے سے زائد ملے تھے، صوبہ پنجاب کو این ایف سی ایوارڈ کے تحت 36 کھرب 95 سے زائد ملیں گے۔
مختص کردہ بجٹ کے تحت صوبہ سندھ کو آئندہ مالی سال میں این ایف سی ایوارڈ کے تحت 18 کھرب 53 ارب 8 کروڑ سے زائد ملیں گے، صوبہ خیبر پختونخواہ کو این ایف سی ایوارڈ کے تحت 12 کھرب 21 ارب53 کروڑ 50 لاکھ روپے ملیں گے۔
اسی طرح صوبہ بلوچستان کو این ایف سی ایوارڈ کے تحت 6 کھرب 67 ارب 55 کروڑ 70 لاکھ روپے ملیں گے۔