کرونا کی وبا کے دوران برگر کنگ کا انوکھا اقدام
برگر کنگ فوٹو شیئرنگ ایپ انسٹاگرام پر چھوٹے کاروبار چلانے والوں کو مفت اشتہار کی سہولت فراہم کررہا ہے
![کرونا وبا](https://news360.tv/wp-content/uploads/2020/12/وبا-1.jpg)
دنیا بھر میں کرونا وبا نے لوگوں کے کاروبار کو بری طرح متاثر کیا ہے۔ لیکن بین الاقوامی فوڈ چین برگر کنگ نے برطانیہ میں چھوٹے ریسٹورنٹس کی مفت تشہیر کرکے مثال قائم کردی۔
برگر کنگ نے سماجی رابطے کی ویب سائٹ ٹوئٹر پر جاری پیغام میں صارفین سے گزارش کی کہ وہ دیگر ریسٹورنٹس سے بھی کھانا آڈر کریں۔ تشہیر کے لیے برگر کنگ نے ٹوئٹ میں یہاں تک لکھ دیا کہ متعدد ریسٹورنٹس ہیں جو عمدہ کھانا تیار کرتے ہیں۔ ان کی ڈشز بھی شہرت کے اتنی ہی حقدار ہیں جتنا برگر کنگ کا اسپیشل ‘ووپر برگر’ ہے۔
They need you more than ever! pic.twitter.com/Nol9sbjK0b
— Burger King (@BurgerKingUK) December 14, 2020
برگر کنگ کی فوٹو شیئرنگ ایپ انسٹاگرام پر چھوٹے کاروبار چلانے والوں کو مفت اشتہار کی سہولت فراہم کی جارہی ہے ۔ جس کے تحت چھوٹے ریسٹورانٹس اپنا مینیو برگر کنگ کے انسٹاگرام اکاؤنٹ پر شیئر کرسکتے ہیں۔
View this post on Instagram
یہ بھی پڑھیے
فوزیہ ناصر احمد، باہمت صحافی ، ماہر برگر کوئین
برگر کنگ کے انسٹاگرام اکاؤنٹ پر 31 ہزار سے زیادہ فالوورز موجود ہیں۔ برگر کنگ نے سوشل میڈیا پر اعلان کیا ہے کہ مفت اشتہاری مہم چلائے جانے تک برگر کنگ اپنے برگرز کی تصاویر شائع نہیں کرے گا۔
View this post on Instagram
واضح رہے کہ کرونا وبا کے باعث برطانیہ میں لاک ڈاؤن ہے۔ ایسے میں برگر کنگ کے اس اقدام کو مختلف ریسٹورانٹس سراہ رہے ہیں۔