ملک میں گاڑیوں کی فروخت بلندترین سطح پر پہنچ گئی
مالی سال 2022 میں گاڑیوں کی فروخت میں 54 فیصد کا اضافہ دیکھنے میں آیا اور 2 لاکھ 79ہزار 700 گاڑیاں فروخت ہوئیں
![Car sales up 51pc, گاڑیوں کی فروخت میں اضافہ](https://news360.tv/wp-content/uploads/2022/06/Car-sales-up-51pc.jpg)
مہنگائی کی شرح بلند ترین سطح پر پہنچنے کے باجود پاکستانی اشرافیہ کی قوت خرید پر کوئی فرق نہیں پڑا۔ ملک میں گاڑیوں کی فروخت تاریخ کی بلندترین سطح پر پہنچ گئی۔
مالی سال 2022 میں گاڑیوں کی فروخت میں 54 فیصد کا اضافہ دیکھنے میں آیا اور 2 لاکھ 79ہزار 700 گاڑیاں فروخت ہوئیں۔
یہ بھی پڑھیے
سخت حکومتی اقدامات: کاروں کی فروخت میں 30فیصد کمی کا خدشہ
کریم کے شریک بانی کا ایئرلفٹ کے شریک بانی کو خراج تحسین
اعداد و شمار کے مطابق ماہانہ بنیاد پر بھی کاروں کی فروخت تاریخ کی بلند ترین شرح پر رہی۔ ماہانہ بنیاد پر کاروں کی فروخت میں 107 فیصد اضافہ ہوا
جون 2021 کے مقابلے جون 2022 میں کاروں کی فروخت میں 24 فیصد اضافہ ہوا۔ جون 2022 میں کارساز اداروں نے 28ہزار 500 گاڑیاں فروخت کیں۔
دریں اثنا ملک میں کاروں کی فروخت میں ریکارڈ اضافے کے باوجود حکومتی اقدامات کے باوجود رواں مالی سال میں کاروں کی فروخت میں کمی آنے کا خدشہ ہے۔
آٹو انڈسٹری نے فائلرز اور نان فائلرز پر ود ہولڈنگ ٹیکس میں اضافے،1300 سی سی سے زیادہ کی گاڑیوں پر ایک فیصد کیپیٹل ویلیو ٹیکس کے نفاذ ، طلب میں کمی کیلیے آٹوفنانسنگ کے سخت قوانین اوربلند شرح سوداور قیمتوں میں مزید اضافے کے پیش نظر مالی سال 23-2022 میں گاڑیوں کی فروخت میں 30 فیصد کمی کا خدشہ ظاہر کیاہے۔