سعودی فرمانروا شاہ سلمان کا پاکستان میں ایک ارب ڈالر کی سرمایہ کاری کاحکم

پاکستانی معیشت کیلیے برادر اسلامی ملک سعودی عرب سےا چھی خبر آگئی۔ سعودی فرمانروا شاہ سلمان بن عبدالعزیز  نے پاکستان میں ایک ارب ڈالرکی سرمایہ کاری کا حکم جاری کردیا۔

سعودی میڈیا کے مطابق شاہ سلمان کاحکم سعودی عرب کا پاکستان کی معیشت اور عوام کی مددکا اعادہ ہے۔

یہ بھی پڑھیے

سعودی عرب کی 8 ارب ڈالر کی سرمایہ کاری کی آفر سرخ فیتے کی نذر

شہباز حکومت نے مالی سال کے پہلے ماہ میں معیشت کا دھڑن تختہ کردیا

سعودی فرمانروا شاہ سلمان کا حکم نامہ  وزیر خارجہ بلاول بھٹو زرداری اور ان کے سعودی ہم منصب فیصل بن فرحان کے درمیان ٹیلی فون پرگفتگو کے بعد جاری کیا گیا ہے۔

دفتر خارجہ سے جاری اعلامیے کے مطابق  سعودی عرب کی جانب سے پاکستان میں ایک ارب ڈالر کی سرمایہ کاری کی یقین دہانی کرائی گئی، جس پر بلاول بھٹو نے اپنے سعودی ہم منصب سے اظہار تشکر کیا۔

ٹیلیفونک گفتگو میں پاک سعودی وزرائے خارجہ نے دوطرفہ برادرانہ تعلقات کے فروغ پر بھی تبادلہ خیال کیا۔