کراچی میں ملک کی پہلی ماحول دوست بس سروس کے آزمائشی سفر کاآغاز
محکمہ ٹرانسپورٹ سندھ نے آج سے کراچی میں ملک کی پہلی نئی ماحول دوست بس سروس کے آزمائشی سفر کا آغاز کردیا۔
وزیراطلاعات سندھ شرجیل انعام میمن نے نئی بس سروس کی تفصیلات اپنے ٹوئٹر ہینڈل پر شیئر کی ہیں۔
یہ بھی پڑھیے
سندھ حکومت کا پیپلز بس سروس کی موبائل ایپلی کیشن لانچ کرنے کا اعلان
سندھ حکومت نے پیپلزبس سروس کے کرائے میں 100فیصد اضافہ کردیا
وزیرٹرانسپورٹ سندھ شرجیل انعام میمن نے اپنے ٹوئٹ میں لکھا کہ سندھ حکومت کا محکمہ ٹرانسپورٹ کراچی میں نئی بس سروس شروع کرنے جارہاہے، یہ پاکستان کی پہلی الیکٹریکل بسیں ہیں جو مکمل طور پر ماحول دوست ہیں۔
Announcement: Transport department government of Sindh is going to start New Bus service in karachi. These are Pakistan’s first electrical vehicles which are completely environment friendly. From tomorrow we are going to start the test drive in the city. pic.twitter.com/7agbgF9Fjt
— Sharjeel Inam Memon (@sharjeelinam) November 6, 2022
پاکستان پیپلز پارٹی کی حکومت کا نیا منصوبے کا اعلان ایک ایسے موقع پر سامنے آیا ہے جب کراچی میں ٹرانسپورٹ کے نئے منصوبے جاری ہیں جبکہ پیپلز بس سروس کے تحت یکے بعد دیگرے نئے روٹس لانچ کیے گئے ہیں۔تاہم الیکٹرک بسوں کی پائیداری کے حوالے سے شکوک تاحال برقرار ہیں کیونکہ پچھلے سال یہی اقدام زیادہ عرصے تک چل نہیں پایا تھا۔
انگریزی روزنامہ بزنس ریکارڈر کے مطابق مارچ 2021 اس وقت کے وزیربلدیات سندھ اویس شاہ نے کراچی میں نجی شعبے کے تعاون سے ملک کے پہلے الیکٹرک بس منصوبے کا افتتاح کیا تھا اور سال کے آخر تک ان ماحول دوست بسو ں کی تعداد 100 تک پہنچانے کی امید ظاہر کی تھی۔
Test drive of another bus service to be started in #Karachi by Transport Dept #SindhGovt from tomorrow. According to Transport Minister @sharjeelinam the buses are electric & environment friendly. pic.twitter.com/jtIPH1XrBf
— Sindh Information Department (@sindhinfodepart) November 6, 2022
ڈان ڈاٹ کام کے مطابق یہ برقی بس سروس ٹاور سے سہراب گوٹھ تک چلائی گئی تھی اور ایک اسٹاپ کا کرایہ کم از کم 10 روپے مقرر کیا گیا تھا تاہم یہ منصوبہ پائیدار ثابت نہیں ہوا اور اس واحد روٹ کو بھی بند کردیا گیا تھا۔
