ندا یاسر شعیب اختر کے شو میں غلطی پر ٹرولنگ کرنے والوں پر برس پڑیں
ایسا میں نے کیا کردیا؟ لوگ اپنی تاریخ پیدائش اور شادی کی تاریخ اوربہت کچھ بھول جاتے ہیں، جو مجھ سے واقعی پیار کرتے ہیں وہ کرتے رہیں گے، اس لیے میرا نعرہ ہے پیچھے ہٹ، معروف مارننگ ہوسٹ
پاکستان ٹی وی انڈسٹری میں مارننگ شو ز کی معروف میزبان ندا یاسر نے شعیب اختر کے شو میں ہونے والی غلطی کے بعد خود کو تنقید کا نشانہ بنانے والوں کو آڑے ہاتھوں لے لیا ۔
ڈیجیٹل پلیٹ فارم اردو فلکس پر راولپنڈی ایکسپریس شعیب اختر کا پروگرام 17 فروری سے نشر ہورہا ہے جس کا ٹیزر گزشتہ دنوں اردو فلکس کے سوشل میڈیا اکاؤنٹ پر جاری کیا گیا۔
یہ بھی پڑھیے
ندا یاسر کم علم ہونے کے ساتھ ساتھ کند ذہن بھی نکلیں
سوشل میڈیا صارف نے ندا یاسر کے مارننگ شو پر سنجیدہ سوال اٹھادیئے
شو میں پاکستان کی دو معروف مارننگ شو ہوسٹ ندا یاسر اور شائستہ لودھی بطور مہمان شریک ہوئیں، اس دوران شعیب اختر نے سوال کیا کہ”پاکستان 1992 کا ورلڈ کپ سال جیتا تھا؟ ندایاسر سوال میں موجود ہونے کےباوجود جواب نہیں دے سکیں اور شائستہ لودھی سے مدد طلب کی۔ شائستہ نے ساتھی میزبان کی کم عقلی پر حیرانی کا اظہار کرتے ہوئے انہیں جواب بتایا تو ندایاسر نے شعیب اختر سے سوال دہرانے کو کہا۔
View this post on Instagram
شعیب اختر نے کمال ہوشیاری سے سوال بدل ڈالا اور پوچھا کہ پاکستان 2009 کا ورلڈکپ کس سال جیتا تھا جس پر ندایاسر نے پچھلے سوال کا جواب دیدیا کہ پاکستان 2009 کا ورلڈ 1992 میں جیتا تھا۔ندا یاسر کی اس حماقت پر شائستہ لودھی نےانہیں ٹوکتے ہوئے سوال صحیح سے سننے کا مشورہ دیا جس پر ندا نے کہا کہ میں تو پچھلے سوال کا جواب دے رہی تھی۔
ندایاسر اور شعیب اختر کا مذکورہ کلپ سوشل میڈیا پر وائرل جس پر صارفین نے ندا یاسر کو کافی ٹرول کیا۔تاہم اب ندا کا اس حوالے سے بیان سامنے آیا ہے۔ ندا نے انسٹاگرام اسٹوری پر لکھا کہ”ایسا میں نے کیا کردیا؟ لوگ اپنی تاریخ پیدائش اور شادی کی تاریخ اوربہت کچھ بھول جاتے ہیں“۔
View this post on Instagram
انہوں نے لکھا کہ ”مجھے معلوم ہے کہ حالات کی وجہ سے بہت ڈپریشن ہے، اگر میری کسی غلطی سے آپ کے چہرے پر مسکراہٹ آرہی ہے تو کھل کر ہنسیں لیکن اللہ جس کو اللہ رکھے اس کو کون چکھے“۔ندایاسر نے کہا کہ” جو مجھ سے واقعی پیار کرتے ہیں وہ کرتے رہیں گے، اس لیے میرا نعرہ ہے پیچھے ہٹ “۔
