کیا ارطغرل کی حلمیہ سلطان پشاور میں ہیں؟
ایسرا بیلجک کی ٹوئٹ پشاور زلمی سے وابستگی کا ٹیزر بھی ہوسکتی ہے۔
ترک ڈرامہ سیریز ‘ارطغرل غازی’ میں حلیمہ سلطان کے کردار سے شہرت کی بلندیوں کو چھونے والی ترک اداکارہ ایسرا بیلجک نے سوشل میڈیا پر پشاور کے حوالے سے نیا ٹیزر دے دیا۔
ارطغرل غازی کی پاکستان میں کامیابی کے بعد اس سیریز میں کام کرنے والے ترک اداکاروں کا پاکستان آنا جانا لگارہتا ہے۔ پاکستان میں ایسرا بیلجک کے مداحوں کی ایک بڑی تعداد موجود ہے۔ ترک اداکارہ مختلف پاکستانی برانڈز کے لیے ماڈلنگ کرچکی ہیں جبکہ اسلام آباد کی ایک ہاؤسنگ سوسائٹی کی برانڈ ایمبیسیڈر بھی ہیں۔
پاکستان میں حلیمہ سلطان کے نام سے پہچانی جانے والی اداکارہ نے اس مرتبہ خود کو بظاہرپشاور سے منسوب کیا ہے۔ سماجی رابطوں کی ویب سائٹ ٹوئٹر پر انہوں نے پشاور کے اسلامیہ کالج کی تصویر شیئر کی جس پرلکھا ‘سٹی آف فلاورز’ یعنی پھولوں کا شہر۔ اس پوسٹ پر مختلف کمنٹس کیے گئے۔ زیادہ تر صارفین اِس ٹوئٹ کے بعد اندازہ لگا رہے ہیں کہ شائد ترک اداکارہ پشاورمیں موجود ہیں۔
Omg are you kidding me?
She’s in Peshawar.
The place where I live.
Omg🙈
I still can’t believe…..— esb👑 (@esraonlyx) January 19, 2021
ایسرا کی اس پوسٹ کو پاکستان سپرلیگ یعنی پی ایس ایل کی مشہور ٹیم پشاورزلمی کے مالک جاوید آفریدی نے ری ٹوئٹ کیا ہے۔
یہ بھی پڑھیے
ارطغرل کے بعد کیا حلیمہ ہوں گی پاکستانی نوسربازوں کا شکار؟
جاوید آفریدی نے خود بھی اپنے ٹوئٹر ہینڈل سے ‘دی ‘سٹی آف فلاورز’ کا ٹوئٹ کیا۔
THE CITY OF FLOWERS
— Javed Afridi (@JAfridi10) January 19, 2021
واضح رہے کہ ایک عرصے سے ایسرا بیلجک کو پی ایس ایل کے چھٹے سیزن میں پشاور زلمی کا برانڈ ایمبیسڈر بنانے کی چہ منگوئیاں ہورہی ہیں۔ لیکن جاوید آفریدی نے اب تک اس بات کا کوئی اعلان نہیں کیا گیا ہے۔ ایسرا بیلجک کی ٹوئٹ کے بارے میں یہ اندازہ بھی لگایا جارہا ہے کہ شاید یہ پشاورزلمی سے وابستگی کا ٹیزر ہے۔
