سینیٹ الیکشن کا کرنٹ شوبز انڈسٹری کو بھی لگ گیا
شان شاہد، ہارون شاہد اور روحیل حیات نے وزیر اعظم کو اپنے اعتماد کا ووٹ دے دیا۔
پاکستان میں شوبز انڈسٹری کے ستارے عام طور پر ملکی سیاست سے دور رہتے ہیں لیکن سینیٹ انتخاب کے بعد وزیر اعظم عمران خان کی تقریر نے اُن کو بھی متاثر کردیا ہے۔ اداکارہ عفت عمر نے مسلم لیگ (ن) کی حمایت کردی ہے اور نواز شریف کی تازہ تقریر ٹوئٹ کر دی ہے۔
پاکستان کی ڈرامہ انڈسٹری ہو یا فلم انڈسٹری فنکار عام طور پر سیاسی معاملات میں اپنی رائے کم ہی دیتے ہیں لیکن اس مرتبہ سینیٹ انتخاب کے نتیجے میں سامنے آنے والی پیچیدگی نے جہاں حکومتی حلقوں میں کھلبلی مچا دی ہے وہیں شوبز انڈسٹری بھی تذبذب کا شکار ہے۔ مختلف اداکار وزیر اعظم کے اعتماد کا ووٹ لینے کے فیصلے سے مطمئن دکھائی دیتے ہیں۔ گذشتہ روز وزیر اعظم عمران خان کی تقریر پر انڈسٹری کی معروف شخصیات نے انہیں سراہا ہے۔
سماجی رابطوں کی ویب سائٹ ٹوئٹر پر فلم انڈسٹری کے مشہور اداکار شان شاہد نے پیغام میں وزیر اعظم عمران خان کو مخاطب کیا۔ ٹوئٹ میں لکھا کہ چاہے آپ اقتدار میں ہوں یا حزب اختلاب میں آپ نے ہمیشہ حق کی آواز بلند کی ہے۔ بظاہر ہاری جانے والی جنگوں کے نتائج مستقبل میں جیت کا پیغام لاتے ہیں۔ شان نے اپنے ٹوئٹر پیغام میں وزیر اعظم کے لیے نیک تمناؤں کا اظہار بھی کیا۔
@ImranKhanPTI whether you are in power or in opposition the voice of truth ,the voice of the people of Pakistan will always be spoken by you..some battles lost cannot predict the out come of the war may 🙏🏼you win the war of truth honesty ,hope & justice #pakistanhameshaZindabad pic.twitter.com/RTdpIHwZjZ
— Shaan Shahid (@mshaanshahid) March 4, 2021
پاکستان کے معروف میوزک پروڈیوسر روحیل حیات نے ٹوئٹ میں وزیر اعظم عمران خان کی تقریر کی تعریف کرتے ہوئے لکھا کہ آپ ایک بہادر رہنما ہیں۔
OMG I got my yesssss moment after watching your speech today @ImranKhanPTI ! Say no to corruption and get ready for a fight! Enough is really enough! What a brave leader you are indeed 👏🏼 With you all the way..#ImranKhan #ImranKhanMyPM
— Rohail Hyatt (@rohailhyatt) March 4, 2021
اداکار ہارون شاہد نے اپنے ٹوئٹر پیغام میں وزیر اعظم عمران خان کے اعتماد کا ووٹ لینے کے فیصلے کی حمایت کی۔ اداکار نے ن لیگ کے بانی قائد کو آڑے ہاتھوں لیتے ہوئے کہا کہ وزیر اعظم پریشان ہیں لیکن نہ تو ان کے پلیٹلیٹس گرے نہ ہی انہیں کوئی اور بیماری ہوئی ہے۔
Imran Khan bohat pareeshan hai! Magar na platelets giray hain, na qamar mein dard hui hai, na dil mein taqleef hui hai, na blood pressure ooper gaya hai, na sugar level gira hai, na plastic surgery karwani pari hai 😲
I think ECP should take notice immediately #VoteOfConfidence
— Haroon Shahid (@Haroon_5hahid) March 4, 2021
یہ بھی پڑھیے
پاکستان میں سوشل میڈیا پر ایک نیا ٹرینڈ چل پڑا
دوسری جانب سابق ماڈل اور میزبان عفت عمر نے میاں نواز شریف کی حمایت کا اشارہ دیتے ہوئے ٹوئٹر پر ان کی تقریر شیئر کی ہے۔
Mian Nawaz Sharif Speech On Senate Election | 4 Mar 2021 https://t.co/yfC8KKL0I1 via @YouTube
— Iffat Omar Official (@OmarIffat) March 4, 2021
وزیر اعظم کا اعتماد کا ووٹ لینے کا فیصلہ مستقبل میں ملکی سیاست میں کیا رنگ دکھائے گا یہ تو آنے والا وقت ہی بتائے گا لیکن شوبز انڈسٹری میں بھی حکومت کی حمایت اور مخالفت میں آراء سامنے آنے لگی ہیں۔
