نورا فتحی کے گانے ’دلبر‘ کی ویڈیو پر 1 ارب سے زیادہ ویوز
اداکارہ نے کامیابی کا جشن ممبئی میں ٹی سیریز کے دفتر میں منایا ہے۔
![نورا فتحی](https://news360.tv/wp-content/uploads/2021/03/نورا-فتحی.jpg)
بالی ووڈ کی اداکارہ نورا فتحی کے گانے ’دلبر‘ کی ویڈیو نے یوٹیوب پر 1 ارب سے زیادہ ویوز حاصل کرلیے ہیں۔ اداکارہ نے اس کامیابی کا جشن ممبئی میں ٹی سیریز کے دفتر میں منایا ہے۔
نورا فتحی نے انسٹاگرام پر اپنی کامیابی کے جشن کی تصویر شیئر کی ہے اور ویڈیو پر 1 ارب سے زیادہ ویوز آنے پر خوشی کا اظہار کیا ہے۔
View this post on Instagram
’دلبر‘ گانا گلوکارہ نیہا ککر، اسیس کور اور دھوانی بھانوشالی نے فلم ’ستیے مے وجیتے‘ میں گایا تھا جس کی ویڈیو میں نورا فتحی نے شاندار رقص کیا تھا۔ اس گانے نے ریلیز کے پہلے 24 گھنٹوں میں ہی یوٹیوب پر 21 لاکھ ویوز حاصل کیے تھے۔
نورا فتحی نے کئی مشہور گانوں میں کام کیا ہے جن میں ساقی، دلبر، ناچ میری رانی اور گرمی شامل ہیں۔
حال ہی میں اداکارہ نے انسٹاگرام پر اپنے انٹرویو کا ایک ویڈیو کلپ شیئر کیا ہے جس میں وہ اپنے کیریئر کے ابتدائی دنوں میں پیش آنے والی مشکلات کے بارے میں بتا رہی ہیں۔
View this post on Instagram
یہ بھی پڑھیے
ڈانسر نورا فتحی بالی ووڈ کی نئی ہیلن؟
نورا فتحی کے رقص کی ویڈیو سے قبل پاکستان کے مشہور گلوکار استاد راحت فتح علی خان کا گانا ’ضروری تھا‘ نے بھی یوٹیوب پر ایک ارب ویوز حاصل کیے ہیں۔
پاکستان کے سب سے زیادہ معاوضہ لینے والے گلوکاروں میں شامل راحت فتح علی خان کا یہ گانا 6 سال قبل جاری کیا گیا تھا جس کو ریلیز ہونے کے 4 دن بعد ہی 10 لاکھ ویوز حاصل ہوگئے تھے۔
View this post on Instagram
راحت فتح علی خان نے انسٹاگرام پر اپنے مداحوں کا شکریہ ادا کیا تھا۔