پاکستانی اداکاراؤں کا نیا فیشن اسٹیٹمنٹ
پاکستان کی مشہور شخصیات میں بغیر فلٹرز کے سوشل میڈیا پر تصاویر شیئر کرنے کا رحجان بڑھنے لگا ہے۔
شہ سرخیوں کی زینت بننے والا جملہ ’مجھے اپنی جلد سے پیار ہے‘ پاکستانی اداکاراؤں میں مقبول ہونے لگا ہے اور یہی اُن کا نیا فیشن اسٹیٹمنٹ بن رہا ہے۔ اداکاراؤں کا کہنا ہے کہ ’ہمیں اپنے مداحوں کے ساتھ سادگی والی زندگی شیئر کر کے سکون محسوس ہوتا ہے اور ہمارے مداح بھی ہمارے سادہ چہرے والی تصاویر کو پسند کرتے ہیں۔‘
پاکستانی اداکارہ سائرہ یوسف کو اس وقت تنقید کا نشانہ بنایا گیا تھا جب ان کی بہن پلوشہ یوسف نے اجازت کے بغیر سائرہ یوسف کی بغیر فلٹر والی تصویر انسٹاگرام پر شیئر کی تھی۔
View this post on Instagram
سائرہ یوسف کے جواب کے بعد کئی اداکاراؤں نے بغیر فلٹرز والی تصاویر شیئر کیں۔
حال ہی میں 22 سالہ اداکارہ اور ماڈل منال خان نے گرمی کے موسم کا خیرمقدم کرتے ہوئے اپنی بغیر فلٹر والی سنہری بالوں والی تصویر انسٹاگرام پر شیئر کی ہے۔ منال خان کا کہنا ہے کہ ’روزمرہ کی ورزش اور خوراک سے میری جلد کی خوبصورتی میں اضافہ ہورہا ہے۔ ہم پر میک اپ کا بہت دباؤ ہوتا ہے مگر اب بغیر میک اپ کے خود کو بہت ہلکا محسوس کررہی ہوں۔‘
View this post on Instagram
’مجھے اپنی جلد سے پیار ہے‘ کو آگے بڑھاتے ہوئے ماڈل اور اداکارہ حنا الطاف نے بغیر میک اپ کے انسٹاگرام پر ایک سیلفی شیئر کی جس کے کیپشن میں لکھا کہ ’بہت سارا میک اپ کرنے سے پہلے لی گئی تصویر۔‘
View this post on Instagram
یہ بھی پڑھیے
نورا فتحی کے گانے ’دلبر‘ کی ویڈیو پر 1 ارب سے زیادہ ویوز
اداکارہ نے کہا ہے کہ انہیں جاذب نظر اور پرکشش نظر آنے کی ضرورت ہوتی ہے۔ بصورت دیگر فطری شکل کو مکمل کرنے کے لیے موئسچرائزر اور ٹنٹ کافی ہے۔
پاکستانی ڈرامہ عشقیہ سے شہرت پانے والی ہانیہ عامر کا کہنا ہے کہ ’معاشرے نے کسی فرد واحد کو اجازت نہیں دی کہ وہ کسی دوسرے کی شخصیت پر تنقید کرے کیونکہ دباؤ میں کوئی بھی کام نہیں کرسکتا۔‘
View this post on Instagram
اس سے قبل ماہرہ خان بھی کئی باراپنی بغیر فلٹر کے لی گئی تصاویر سوشل میڈیا پر شیئر کرچکی ہیں۔
View this post on Instagram
خواتین اور میک اپ کا چولی دامن کا ساتھ ہے تاہم سادہ تصاویر کی شیئرنگ پر شوبز انڈسٹری کی خوبرو اداکاراؤں کو اپنے مداحوں کی جانب سے بہت زیادہ سراہا جارہا ہے۔ اداکاراؤں کا کہنا ہے کہ ’اس رجحان کا مقصد خواتین میں خوداعتمادی کو پروان چڑھانا ہے۔‘
