پاکستان کے شوبز ستاروں نے بھی کرونا ویکسین لگوالیں
اداکارہ بشریٰ انصاری نے انسٹاگرام پر ایک ویڈیو شیئر کی جس میں اداکارہ کرونا ویکسین لگنے کے بعد مطمئن نظر آرہی ہیں۔
دینا بھر کی طرح پاکستان میں بھی کرونا کی تیسری لہر جاری ہے جبکہ پاکستان میں گذشتہ 24 گھنٹوں کے دوران کرونا کیسز کی شرح 6 فیصد ہوگئی ہے۔ ایسی صورتحال میں پاکستانی شوبز انڈسٹری سے تعلق رکھنے والی کئی مشہور شخصیات نے کرونا سے بچاؤ کی ویکسین کی پہلی خوراک لے لی ہے جو کہ مفت فراہم کی گئی ہے۔ اس کے ساتھ ساتھ پاکستان کے شوبز کے ستاروں نے کرونا ویکسین کی اہمیت کو بھی اُجاگر کیا ہے۔
حکومت نے پہلے ہی ملک بھر میں متعدد ویکسینیشن سینٹرز قائم کردیے تھے تاکہ کرونا وائرس کی تیسری لہر کے دوران تمام بزرگ شہریوں کو ویکسین لگائی جاسکے اور پاکستان کے شوبز ستاروں نے اس موقع کا بھرپور فائدہ اٹھایا ہے۔
ان مشہور شخصیات میں بشریٰ انصاری، خالد انعم اور ثمینہ پیرزادہ بھی شامل ہیں۔
پاکستانی اداکارہ بشریٰ انصاری نے انسٹاگرام پر ایک ویڈیو شیئر کی جس میں وہ کرونا ویکسین لگنے کے بعد مطمئن نظر آرہی ہیں۔ اداکارہ نے ویڈیو میں کرونا وائرس کی ویکسین کی اہمیت کو بھی اجاگر کیا ہے۔
View this post on Instagram
پاکستانی پروڈیوسر اور اداکار خالد انعم نے بھی انسٹاگرام پر تصویر شیئر کی جس میں انہوں نے کرونا وائرس ویکسین کی پہلی مفت خوراک حاصل کی ہے۔
View this post on Instagram
یہ بھی پڑھیے
کرونا کے سائے میں عاطف اسلم کا کراچی میں کانسرٹ
لاہور میں مقیم معروف اداکارہ ثمینہ پیرزادہ نے کرونا ویکسین لگانے کی ایک تصویر ٹوئٹ کی اور اس عمل پر حکومت کی تعریف کی ہے۔
Thank you & Shabash Pakistan pic.twitter.com/0mYe8kraM1
— Samina Peerzada (@SaminaSays) March 15, 2021
انگلینڈ میں آرمینہ خان اور امریکہ میں ریما خان سمیت سرحد پار کئی مشہور شخصیات نے بھی حفاظتی ٹیکے لگنے کے بعد اپنے تجربات سوشل میڈیا پر شیئر کیے ہیں۔
محکمہ صحت سندھ کی جانب سے کراچی میں ایک اور کرونا ویکسینیشن سینٹر قائم کیا گیا ہے جس کے بعد کراچی میں کرونا ویکسینیشن سینٹرز کی تعداد 28 ہوگئی ہے۔
