شیرون اسٹون کو انڈرگارمنٹس اتارنے کے لیے دباؤ ڈالا گیا

ہالی ووڈ کی معروف اداکارہ شیرون اسٹون کا کہنا ہے کہ انہیں فلم ’بیسک انسٹنکٹ‘ میں انڈرگارمنٹس اتارنے کے لیے دباؤ ڈالا گیا تھا۔ انہوں نے انکشاف کیا ہے کہ انہیں فلم بیسک انسٹنکٹ میں رومانی سین کے لیے پہلے سے آگاہ نہیں کیا گیا تھا۔

4 دہائیوں تک پھیلے طویل فلمی کیریئر رکھنے والی اداکارہ شیرون اسٹون نے اس بات کا انکشاف اپنی آنے والی کتاب ’دی بیوٹی ود لیونگ ٹوائس‘ میں کیا ہے۔ شیرون اسٹون فلم ’بیسک انسٹنکٹ‘ کے حوالے سے اپنی کتاب میں مزید تلخ حقائق بیان کیے ہیں۔

#BasicInstinct audition tape for #WaybackWednesday pic.twitter.com/TaApP2HmJS

— Sharon Stone (@sharonstone) August 9, 2017

شیرون اسٹون نے اپنی کتاب میں اس بات کا انکشاف کیا ہے کہ 1992 میں بننے والی فلم بیسک انسٹنکٹ کے پروڈیوسر نے اس فلم میں کام کرنے مردوں کے ساتھ شہوت انگیر مناظر کے لیے دباؤ ڈالا تھا تاکہ فلم کیمسٹری زبردست ہو۔

شیرون اسٹون کے مطابق فلم کے بدنام زمانہ منظر کی عکس بندی کے لیے انہیں دھوکہ دیا گیا تھا۔ ان کے مطابق ڈائریکٹر کا کہنا تھا کہ ’ہم دودھیہ روشنی میں فلم کی عکس بندی کررہے ہیں اگر آپ انڈرگارمنٹس اتار بھی دیں گی تب بھی شائقین کو کچھ دکھائی نہیں دے گا۔‘

ماضی کو یاد کرتے ہوئے اداکارہ شیرون اسٹون نے بتایا کہ فلم کے عملے، متعدد ایجنٹس اور وکلاء کی موجودگی میں کس طرح انہوں نے پہلی بار اپنے جسم کے نجی حصوں کو دیکھا۔

ایمی اور گولڈن گلوب ایوارڈ اپنے نام کرنے والی شیرون اسٹون نے اس بات کا بھی ذکر کیا ہے کہ انہیں اپنے مدمقابل ہیرو کے ساتھ محبت کا منظر فلم بند کرانے کے لیے کہا گیا اور کہا گیا کہ اس سے فلم کی کارکردگی اچھی رہے گی۔‘

شیرون اسٹون کے مطابق ’مرد پروڈیوسر نے سمجھایا کہ مجھے اپنے شریک اداکار کے ساتھ جنسی مناظر اس طرح سے فلم بند کروانا ہے کہ شائقین کی توجہ حاصل ہو جائے۔‘

یہ بھی پڑھیے

نور بخاری اور زویا ناصر کی انسٹا فائٹ

اداکارہ نے اپنی آنے والی کتاب میں کچھ مزید واقعات کو شیئر کرتے ہوئے لکھا ہے کہ ’فلم کے بعد بہت سارے پروڈیوسرز نے مجھ سے رابطہ کیا تھا۔ پروڈیوسرز مجھے کہا کرتے تھے کہ اگر آپ کو بہت آگے جانا ہے تو وہ سب کچھ کرنا ہوگا جس کی طلب شائقین کرتے ہیں۔‘

شیرون اسٹون کا کہنا ہے کہ ’بہت سے لوگ مجھ سے پوچھتے ہیں کہ جب میں سپر اسٹار تھی تو زمانہ کیسا تھا؟ یہ ایسے ہی ہے کہ اگر آپ کو میدان میں رہنا ہے تو کھیلنا پڑے گا۔‘

اسی طرح ہالی ووڈ کی ایک اور اداکارہ سینڈرا بلوک نے اس بات کا انکشاف کیا تھا کہ ’2018 میں انہیں فلم کے سیٹ پر زبردستی ناپسندیدہ فعل کرنے پر مجبور کیا گیا تھا۔‘

اداکارہ سینڈرا بلوک کا کہنا تھا کہ ’فلم کی ایک مضبوط شخصیت کی جانب سے مجھ کو زبردستی اس کام پر مجبور کیا گیا تھا جس کے بعد میں نے کہا کہ مجھ فلم سے الگ کردیا جائے۔‘