معاشی تنگی کا شکار فنکاروں کے لیے رائلٹی کا اقدام
علی ظفر، میکال ذولفقار اور کبریٰ خان سمیت متعدد فنکاروں نے پی ٹی آئی سینیٹر کا شکریہ ادا کیا۔
فنکاروں کو رائلٹی دیئے جانے کے حوالے سے اقدامات کی یقین دہانی پر شوبز شخصیات نے حکومت سے اظہار تشکر کیا ہے۔ سوشل میڈیا پر علی ظفر سمیت متعدد فنکاروں نے پی ٹی آئی سینیٹر فیصل جاوید خان کے ٹوئٹ کو شیئر کیا۔
فنکاروں کے ڈراموں کو دوبارہ نشر کیے جانے پر انہیں رائلٹی ادا کرنے سے متعلق بحث کا آغاز اداکارہ نائلہ جعفری کے ویڈیو پیغام سے ہوا۔ 3 اپریل کو سوشل میڈیا پر سامنے آنے والی ویڈیو میں اداکارہ نے حکومت سے رائلٹی دیئے جانے سے متعلق اپیل کی تھی۔ جس پر شوبز انڈسٹری کے بیشتر اداکاروں نے ان کی حمایت کی۔
My dear friend and a renowned TV actor Naila Jafri has been fighting Cancer since last 6 years. The battle is very expensive. In this video she requests if the channel owners pay royalty to her previous work’s re runs it will be of great help to her. pic.twitter.com/AYc6TOTRB7
— Furqan T. Siddiqui (@furqantsiddiqui) April 4, 2021
یہ بھی پڑھیے
نائلہ جعفری کی حکومت پاکستان سے مدد کی درخواست
گذشتہ روز پی ٹی آئی سینیٹر فیصل جاوید نے سماجی رابطوں کی ویب سائٹ ٹوئٹر پر ایک پیغام جاری کیا جس میں انہوں نے بتایا کہ وہ رائلٹی کے حوالے سے تمام اسٹیک ہولڈرز کے ساتھ رابطے میں ہیں جبکہ اس مسئلے کے حل کے لیے انہوں نے جلد ایک جامع بل لائے جانے کی یقین دہانی کرائی۔
Therefore, it is very critical to fill the gaps & bring proper framework via amendments in legislation to ensure that our producers, artists get thr rights to royalties. Am in touch with all stakeholders & iA a comprehensive bill is being brought soon to address this v imp issue
— Faisal Javed Khan (@FaisalJavedKhan) April 12, 2021
پی ٹی آئی سینیٹر کے اس ٹوئٹ کو شوبز شخصیات کی جانب سے بے حد سراہا جارہا ہے۔ پاکستانی گلوکار علی ظفر نے سینیٹر فیصل جاوید کے اقدام پر ان کا شکریہ ادا کیا۔
Thank you for bringing this up Faisal. https://t.co/pYBxPdwbJm
— Ali Zafar (@AliZafarsays) April 12, 2021
پاکستانی اداکار میکال ذوالفقار نے فوٹو شیئرنگ ایپ انسٹاگرام پر پوسٹ شیئر کی جس میں فیصل جاوید کا شکریہ ادا کیا۔
View this post on Instagram
اداکارہ کبریٰ خان نے اپنی انسٹاگرام اسٹوری میں پی ٹی آئی سینیٹر کا ٹوئٹر پیغام شیئر کرتے ہوئے انہیں داد دی۔
اداکار سمیع خان نے ٹوئٹر پر فیصل جاوید کے ٹوئٹ کو کوٹ ٹوئٹ کرتے ہوئے رائلٹی سے متعلق اقدامات کرنے پر سراہا۔
#RoyaltiesforArtists https://t.co/RK8ZSSjlJ0
— sami khan (@samikhan421) April 12, 2021
