رمضان المبارک پر مہوش حیات اور عائشہ عمر کے پیغامات
اداکارہ کا کہنا ہے کہ یہ مبارک مہینہ خود کو ایک بہتر انسان بنانے کا بہترین موقع فراہم کرتا ہے۔
پاکستان کی معروف اداکارہ مہوش حیات اور عائشہ عمر نے فوٹو شیئرنگ ایپ انسٹاگرام پر رمضان المبارک سے متعلق پیغامات شیئر کرکے مداحوں کی توجہ حاصل کرلی ہے۔
رمضان المبارک کے آغاز پر شوبز انڈسٹری کی مختلف شخصیات نے سوشل میڈیا پر اپنی تصاویر شیئر کی ہیں لیکن اداکارہ مہوش حیات اور عائشہ عمر نے اس حوالے سے انسٹاگرام پر قابل ذکر پیغامات پوسٹ کیے۔
مہوش حیات نے انسٹاگرام پر اپنی نئی تصویر پوسٹ کی اور ساتھ ہی مداحوں سے سحر و افطار میں کھانے پینے سے متعلق مشورے بھی مانگ لیے۔ اداکارہ نے مداحوں سے پوچھا کہ انہیں سحری میں آلو کا پراٹھا کھانا چاہیے یا چیز آملیٹ؟ افطار میں سموسوں کے ساتھ پودینے کی چٹنی لینی چاہیے یا مرچ کی چٹنی ؟ جبکہ مہوش حیات کا تیسرا اور اہم سوال لسی اور روح افزاح کے درمیان چناؤ سے متعلق تھا۔
View this post on Instagram
یہ بھی پڑھیے
ماہرہ خان کا اپنے میک اپ آرٹسٹ کو خراج تحسین
اداکارہ کی پوسٹ پر مداحوں کی بڑی تعداد نے انہیں مختلف مشورے دیئے۔
دوسری جانب عائشہ عمر نے اپنی انسٹاگرام پوسٹ میں مداحوں کو ماہ رمضان کی مبارکباد دیتے ہوئے کہا کہ یہ مبارک مہینہ خود کو ایک بہتر انسان بنانے کا بہترین موقع فراہم کرتا ہے۔
View this post on Instagram
اداکارہ نے دعائیہ انداز اپناتے ہوئے لکھا کہ خدا کرئے یہ بابرکت مہینہ ہمارے جسم ، ذہن اور روح سے منفی خیالات، جذبات و احساسات کو دور کرئے اور ہمیں مادیت پرستی سے پاک کرئے۔
