وقار ذکا کا طلباء کو بدتمیزی کا درس

میزبان وقار ذکا نوجوانوں کے رہنما ہونے کا دعویٰ تو کرتے ہیں لیکن ان دنوں وہ اپنی غیرشائستہ زبان سے طلباء کو بدتمیزی کا درس دے رہے ہیں۔ اپنی سیاسی جماعت ٹیکنالوجی موومنٹ پاکستان کی رجسٹریشن سے پہلے ہی وقار ذکا نے وفاقی وزیر تعلیم شفقت محمود کے خلاف سیاسی زبان استعمال کرنا شروع کردی ہے۔

وقار ذکا نے سیاست میں قدم رکھنے سے پہلے ہی اپنے دشمن چن لیے ہیں اور لفظی جنگ کا آغاز بھی کردیا ہے۔ کیمبرج امتحانات کے حوالے سے پہلے طلباء نے وفاقی وزیر تعلیم شفقت محمود کے ساتھ بدتمیزی کی اور اب وقار ذکا سماجی رابطوں کی ویب سائٹ ٹوئٹر پر سرگرم ہوگئے ہیں۔

وفاقی وزیر کی جانب سے کیمبرج امتحانات کرانے کا فیصلہ سنایا گیا تو وقار ذکا نے ٹوئٹ میں شفقت محمود کے لیے ’لسوڑے‘ کا لفظ استعمال کیا ہے ساتھ ہی لکھا کہ آپ اپنے فیصلے پر پشیمان ہوں گے اور اب طلباء آپ سے استعفیٰ لے کر ہی رہیں گے۔

What I told you , remember Lasorey @Shafqat_Mahmood you will regret it . Now the students will make you resign #ResignShafqatMahmood bye bye

— Waqar Zaka (@ZakaWaqar) April 27, 2021

یہ بھی پڑھیے

یمنیٰ زیدی اور وقار ذکاء کا پاکستانی فٹبال ٹیم کا دفاع

کرونا کیسز بڑھنے پر جب کیمبرج کے اے ٹو کے علاوہ تمام امتحانات منسوخ کردیئے گئے تو وقار ذکا نے ایک اور ٹوئٹ کیا جس میں فخریہ لکھا کہ کیسا دیا؟ پہلے مان لیتے لیکن ہم اب بھی آپ کے استعفے کا مطالبہ کرتے ہیں۔ انہوں نے اپنی سیاسی جماعت ٹیکنالوجی موومنٹ پاکستان کا حوالہ دے کر کہا کہ جب تک یہ جماعت ہے وہ دیکھتے ہیں کہ یہ لوگ کیسے ٹھیک کام نہیں کرتے ہیں۔

Kesa Diya ? Phelay mana letay but dont worry we will still demand #Resignshafqatmahmood. He was thinking bachey hain ink sath koi Nahie Hoga , jab tak @techmovementpak hai , Mei dekhta hoon yeh log kesay kaam theek Nahie kartey- https://t.co/gejwJvxwna

— Waqar Zaka (@ZakaWaqar) April 28, 2021

وقار ذکا کی اس بدتمیزی کو متعدد طلباء نے سراہا۔

Hahha waqar bhai is on fire waqar bhai our next vote for you khuda ke qasam agar ak vote be pti ko deye chacha ego @Shafqat_Mahmood ap ne sare student ko tension me dala ta l😡well done waqar bhai #ShafqatDestroysOurCareer #Resignshafqatmehmood ab bas sirf paper cancel hojaye.

— Yasir Zada (@YasirZada9) April 28, 2021

یہاں یہ بات قابل ذکر ہے کہ جنوری میں وقار ذکا کی جانب سے سیاسی جماعت ٹیکنالوجی موومنٹ پاکستان کی رجسٹریشن کے لیے الیکشن کمیشن میں دستاویزات جمع کرانے کی خبر سامنے آئی تھی لیکن اس کے بعد سے اب تک مکمل خاموشی ہے۔

خود کو نوجوانوں کا رہنما کہنے والے وقار ذکا اس طریقے سے طلباء کی حمایت کرکے دراصل انہیں اپنے حقوق کی جنگ لڑنا نہیں بلکہ غیر اخلاقی گفتگو سکھارہے ہیں۔ ایسے نامناسب الفاظ کسی بھی مہذب معاشرے میں قابل قبول نہیں سمجھے جاتے ہیں۔

وقار ذکا ہمیشہ سے ہی نہ پڑھنے والے طلباء کے ساتھ کھڑے دکھائی دیتے ہیں۔ سالوں پہلے بھی انہوں نے ایسے طلباء کے حوالے سے ایک گانا بنایا تھا جس کی دھن مہشور امریکی گانے کاٹن آئی جو سے چوری کی گئی تھی۔